Ministrja për Evropën dhe Punët e Jashtme, Olta Xhaçka, ka zhvilluar një bisedë telefonike me zëvendëssekretarin amerikan të Byrosë së Çështjeve Evropiane dhe Euro-Aziatike, Philip Reeker.
Në fokus të bisedës së tyre telefonike ishte bashkëpunimi dypalësh politik, ekonomik e rajonal. Gjatë bisedës Xhaçka u shpreh se Shqipëria mbetet e përkushtuar në forcimin e mëtejshëm të miqësisë dhe partneritetit strategjik me Shtetet e Bashkuara të Amerikës (SHBA).
Ministrja për Evropën dhe Punët e Jashtme njohu zëvendëssekretarin me masat e marra për të garantuar zgjedhje të lira, sipas standarteve më 25 prill.
Xhaçka vlerësoi mbështetjen e vazhdueshme të SHBA-së ndaj vendit tonë në rrugëtimin e vendit tonë drejt Bashkimit Evropian (BE). Ajo nënvizoi se Shqipëria i ka plotësuar të gjitha kushtet për miratimin e kornizës negociuese dhe mbajtjen e Konferencës së Parë Ndërqeveritare.
Sjellim në vëmendje se viti 2021 shënon 30-vjetorin e rivendosjes së marrëdhënieve diplomatike, mes vendit tonë dhe SHBA-së.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
KSHZ: Deri në orën 13:00 votuan mbi 300 mijë qytetarë
-
SHBA-të pro nismës socialiste për sundimin e ligjit: Premtuese për luftën ndaj korrupsionit
-
“Të mendojnë për sigurinë e tyre, jo për Ukrainën”, bisedat e hakëreve që kryen sulm kibernetik ndaj Kosovës – Maqedonci për AP: Përtej motivit të hakmarrjes pati qëllim destabizlimin
-
Kurti thotë se “s’ka faj” nëse dështon Kosova
