“Aktualisht nuk kemi prova të qarta që Kina furnizon Rusinë me sisteme armësh vdekjeprurëse, por i kërkojmë Kinës që të përmbahet nga çdo formë ndihme ushtarake. Një gjë është e qartë: ndihma ushtarake për të ndihmuar Ukrainën të mbrohet kundër agresionit rus është plotësisht legjitime sipas Kartës së OKB-së, ndërsa armatosja e agresorit do të ishte një shkelje e qartë”.
Kështu deklaroi zëdhënësja e Komisionit Evropian Nabila Massrali gjatë konferencës ditore me shtypin e ekzekutivit evropian.
Sekretari amerikan i Shtetit, Antony Blinken tha më 19 shkurt se ishte i shqetësuar që Pekini po shqyrtonte forcimin e partneritetit të tij me Moskën duke ofruar “mbështetje vdekjeprurëse” për ushtrinë ruse.
Sipas disa raporteve, Blinken e ngriti çështjen gjatë një takimi me ministrin e Jashtëm kinez Wang Yi të shtunën.
Ambasadorja e SHBA-ve në OKB Linda Thomas-Greenfield theksoi se Kina do të kalojë një “vijë të kuqe” nëse vendos t’i ofrojë ndihmë ushtarake vdekjeprurëse Rusisë në luftën kundër Ukrainës.
Në vend të kësaj, Ministria e Punëve të Jashtme të Republikës Popullore të Kinës mohoi synimet për të ofruar “mbështetje vdekjeprurëse” për Rusinë për luftën kundër Ukrainës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
OpenAI konsideron të lejojë përdoruesit të krijojnë pornografi të krijuar nga AI
-
Begaj uron Siljanovska-Davkova-n: Së bashku do të vazhdojmë të forcojmë marrëdhëniet mes vendeve
-
Gjysma e shteteve të OSBE-së kërkojnë nga Kosova e Serbia t’i zbatojnë marrëveshjet
-
Zelensky zëvendëson shefin e operacioneve speciale për herë të dytë në 6 muaj
Lajmet kryesore
-
Begaj uron Siljanovska-Davkova-n: Së bashku do të vazhdojmë të forcojmë marrëdhëniet mes vendeve
-
Ceremonia tradicionale “Karli i Madh”, Rama: Luajti një rol kyç në formësimin e historisë
-
Ish-kreu i shërbimit sekret izraelit: Lironi Barghoutin dhe vendosni për dy shtete – kështu mposhtet Hamasi
-
PDK: Të finalizohet anëtarësimi i Kosovës në Këshillin e Evropës