Bashkëpunimi gjyqësor Kosovë-Shqipëri, njohja reciproke e licencave të avokatëve dhe ajo e jurisprudencës
Ministri i Drejtësisë, Ulsi Manja, në mbledhjen e tetë të Qeverive të Shqipërisë dhe Kosovës, bëri të ditur se do të njihen reciprokisht licencat e avokatëve, ndërmjetësve dhe provimi i jurisprudencës.
Në fjalën e tij Manja u shpreh se marrëveshja e radhës ka të bëjë me bashkëpunimin gjyqësor edhe në fushën civile.
“Ne e kemi tashmë një marrëveshje në fushën civile dhe tregtare”, tha fillimisht Manja duke shtuar se kjo do të hyjë në fuqi më 30 qershor, “ dhe do të kemi efektet e para për zgjidhjen e çështjeve civile, tregtare, familjare, etj”.
Ai ndër të tjera bëri të ditur se do të hartohet dhe negociohet për dënimet alternative nga dy vendet. Manja theksoi se është e rëndësishme njohja dhe zbatimi i dënimeve alternative që japin autoritetet gjyqësore në të dy vendet.
Ndër të tjera, ministri Manja tha se do të ngrihet një grup i përbashkët pune për të gjetur një mekanizëm ndërshtetëror për implementimin e kësaj marrëveshjeje.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Si u zbulua rrjeti ndërkombëtar i mashtrimi përmes call center, ku përfshihet dhe Shqipëria
-
Aksident tragjik në Durrës – Vritet në vendngjarje çiklisti, shoferi arratiset
-
EURO U-19/ Shqipëria njeh kundërshtarët në raundin kualifikues
-
Policia e Shtetit duhet të rrisë rezultatet dhe besimin e publikut, thotë Balla