Barcelona dhe Real Madrid-i kanë qëllim të njëjtë në merkaton verore. Të dy gjigandët spanjollë janë në kërkim të një qendërmbrojtësi. Emri që ka dalë në skenë është ai i Ibrahima Konate-s së Leipzig-ut.
21-vjeçari Konate është një nga talentet më të mirë në qarkullim dhe shihet si mbrojtës me shumë perspektivë.
Dy sezonet e kaluara, francezi u kushtëzua nga dëmtimet e shumta, por këtë sezon së bashku me bashkëkombësin e vet, Dayot Upamecano-n, janë liderët e mbrojtjes së skuadrës së Julian Nagelsmann-it.
Gjithashtu për lojtarin interesohet edhe Mikel Arteta, për ta pasur nën urdhrat e tij tek Arsenal-i.
Konate është pjesë e Francës U21, me të cilët ka 11 paraqitje. Ai është 1.94 metër i gjatë dhe dallohet për forcën fizike.
Te Leipzig-u mbërriti në verën e 2017-s nga ekipi i Sochaux-it dhe që atëhere është aktivizuar në 89 takime zyrtare. Katër gola dhe një asist në total me gjermanët për Konate-n, që aktualisht në tregun e transferimeve vlen midis 40-50 milionë eurove, sipas Transfermarket-it.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Numërohen afër 95% e votave: “Fronti Evropian” ka 18 deputetë, “VLEN” 13
-
Rama ‘habitet’ me opozitën greke dhe kupton perspektivën e Mitsotakisit për vizitën e tij në Athinë
-
Ahmeti: Jemi fitues me mbi 30 mijë vota, qytetarët janë për anëtarësim në BE
-
O’Brien, Escobar e Lajçak “diskutim të rëndësishëm” mbi strategjinë për të çuar përpara Kosovën e Serbinë në dialog
