Barack Obama bashkë me familjen e tij vizitojnë rrënojat e lashta në Greqi

Ish-presidenti i Shteteve të Bashkuara të Amerikës, Barack Obama dhe familja e tij u panë duke nisur pushimet e tyre verore, gjatë kësaj jave derisa shëtisnin nëpër rrënojat e lashta të Greqisë.

Obama ka vizituar qytetin historik të Akropolit në Athinë, teksa në imazhet e shkrepura nga paparacit, ai u pa me gruan Michelle dhe vajzat e tyre, Malian dhe Sashën.

Ish-zonja e parë, kishte veshur një kostum me mbulesë të bardhë me grep dhe atlete për shëtitjen e tyre nëpër rrënojat e lashta, shkruan New York Post, transmeton AlbanianPost.

E një nga fotot që bëri xhiron e rrjetit, paraqet ish-presidentin amerikan duke i vënë dorën në të pasmet e gruas së tij, duke i ndihmuar për tu ngjitur në shkallë.

Ai u pa gjithashtu duke shkrepur foto me telefonin e tij, teksa familja po shijonte kompleksin më të vjetër se 3 mijë vjet.

Vajzat e qeshura të çiftit u ngjitën pas prindërve të tyre dhe, në një moment, u duk se shtrënguan duart e njëra-tjetrës në mes të bisedës.

Vajza e madhe u pa e veshur me një fund të errët dhe një kombinim të sipërm, ndërsa motra e saj, Sasha, ishte e veshur me xhinse dhe një bluzë ngjyrë vjollce.

Familja Obama dhe vajzat e tyre janë në Athinë për një ngjarje të Fondacionit Obama.

“Michelle dhe unë filluam @ObamaFoundation për të mbështetur gjeneratën e ardhshme të liderëve që krijojnë ndryshime të qëndrueshme në komunitetet e tyre”, shkroi ish-presidenti në Twitter të martën.

“Këtë javë, unë do të bashkohem me udhëheqësit tanë të Obamës në Greqi, ku do të ndajmë idetë dhe do të zhytemi më thellë në punën që ata po bëjnë”, ka shtuar ai.

Nuk ishte menjëherë e qartë nëse familja kishte më shumë pika turistike në agjendën e tyre, apo nëse ata ishin nisur për në një destinacion tjetër evropian pas shëtitjes në Greqi.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.