Guvernatori i Bankës Qendrore të Libanit , Riad Salameh, këtë të hënë hodhi poshtë lajmin se institucioni që ai ka udhëhequr për 30 vjet kishte falimentuar. Gjithashtu ai tha se ishte ende duke vazhduar rolin e tij të mandatuar ligjërisht, pavarësisht humbjeve në sektorin financiar.
Komentet në një deklaratë të guvernatorit ishin një përgjigje e dukshme për zëvendëskryeministrin, i cili tha të dielën se si shteti ashtu edhe banka qendrore kishin falimentuar.
Libani është në vitin e tretë të një kolapsi financiar të shkaktuar nga dekada të tëra korrupsioni dhe politika të gabuara që, si rrjedhojë kanë shkaktuar që valuta të bjerë me më shumë se 90% dhe bankat të mbyllin shumicën e kursimtarëve jashtë llogarive me monedhë të fortë.
Qeveria po rishikon planin si pjesë e bisedimeve me Fondin Monetar Ndërkombëtar, nga i cili po kërkon një program ndihme.
“Për fat të keq, shteti është i falimentuar, ashtu si edhe banka qendrore, ndaj ne kemi një problem… humbja ka ndodhur”, tha zëvendëskryeministri Saade Chami gjatë një interviste të dielën.
Chami i tha transmetuesit lokal OTV se ai kishte folur për paaftësinë e shtetit për të kontribuar ndjeshëm në tejkalimin e humbjeve të sektorit financiar, “që do të thotë se ai nuk ka likuiditet”.
Deklarata e Salameh thoshte se “lajmi që po qarkullon për falimentimin e bankës qendrore nuk është i vërtetë”.
Ai shtoi se banka ishte ende duke kryer detyrat e saj të mandatuara ligjërisht sipas nenit 70 të ligjit për paratë dhe kreditë, i cili thotë se bankës i është besuar ruajtja e integritetit të monedhës libaneze dhe ruajtja e stabilitetit ekonomik.
Banka Botërore vlerëson se ekonomia e Libanit është tkurrur me gati 60% midis viteve 2019 dhe 2021, në atë që e ka quajtur një nga krizat financiare më të këqija në kohët moderne.
I pyetur në lidhje me komentet e Chamit më herët gjatë ditës, kryeministri Najib Mikati tha se besonte se zëvendësi i tij po fliste për “likuiditetin, jo për aftësinë paguese”, tha një deklaratë nga zyra e tij.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Me mbi 75% e votave të numëruara “Fronti Evropian” ka 20 mijë vota më shumë se “VLEN”
-
Rama ‘habitet’ me opozitën greke dhe kupton perspektivën e Mitsotakisit për vizitën e tij në Athinë
-
Bardhi i përgjigjet Ramës: Ke marrë avokat të dobët, i jep urdhra SPAK-ut sepse e ke një hall
-
Kasami: Nga nesër mund të shpallim koalicionin e ndryshimit me VMRO-DPMNE