Nazlie Balaj, këshilltare e ministres së Drejtësisë, Albulena Haxhiu, ka thënë në RTV Dukagjini se puna në grupin punues që ka qenë i përbërë nga profesionistë të fushave të ndryshme nuk ka qenë aspak e lehtë sa i përket rregullimit të martesave të gjinisë së njëjtë, por ajo ka theksuar se “ne nuk duhet ta mohojmë ekzistimin e komunitetit LGBTI në mesin tonë”.
“Ne jemi të obliguar në bazë të Kushtetutës, konventave dhe rezolutave të ndryshme që çështjet t’i trajtojmë në bazë të legjislacionit që e kemi. Ne duhet të respektojmë parimin e barazisë pavarësisht dallimeve në religjion, etni, orientim seksual apo dallimeve tjera”, tha Bala.
“Nëse i referohemi Kushtetutës së vendit se si e rregullon çështjen e martesës. Kushtetuta jonë nuk përcakton gjini. Vetëm në Ligjin e Familjes përmenden gjinitë në martesë”.
Ajo ka shtuar se ky proces është filluar nga viti 2014.
“Ne i kemi marrë shembull edhe vendet e rajonit dhe vendet e Bashkimit Evropian. Kemi marrë shembullin e Gjermanisë, Austrisë dhe praktikat e vendeve fqinje”, tha Balaj.
Sipas saj, Kuvendi dhe Qeveria do të vendosin nëse do të procedojnë tutje me Projektligjin e Kodit Civil.
“Nuk ka kod, nuk ka fe, nuk ka shtet e as pushtet që na ndalon dashninë”, ka shkruar shkurt ai, kështu duke kundërshtuar zërat kritik të cilët janë kundër ndryshimit të Kodit Civil e cila parasheh martesën e personave të së njëjtës gjini.
Ndryshe Aleanca për Ardhmërinë e Kosovës, përmes Shefit të Grupit Parlamentar, Besnik Tahiri, ka bërë të ditur se nuk do të përkrah ndryshimin e Kodit Civil me anë të së cilit personat e së njëjtës gjini do të mund të martoheshin.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ardita Sinani kandidon për kryetare në Preshevë, Ragmi Mustafi për Bujanoc
-
Kryeministri i Belgjikës e cilëson “propozim të çmendur” ndërtimin e burgut në Kosovë
-
Bislimi takon Sekretarin e Shtetit të Zvicrës, diskutojnë anëtarësimin e Kosovës në KiE
-
Krasniqi: Qeveria t’i respektojë punëtorët dhe të drejtat e tyre
Lajmet kryesore
-
Armatimi – Strategjia e Shqipërisë në mbrojtje
-
Mësuesit protestë para Ministrisë së Arsimit për 1 maj: Të dyfishohen pagat
-
SHBA-të janë ‘të vendosura të marrin një armëpushim që do t’i sjellë pengjet në shtëpi’
-
Propaganda e “France24” për veriun: Serbët u larguan nga Kosova për shkak të përkeqësimit të kushteve të jetesës