U akuzua bashkë me Tahirin, ish-drejtori i Policisë së Vlorës kërkon zbutje të masës së sigurisë
![](https://albanianpost.com/wp-content/uploads/2021/07/Capture-20-840x440-1.jpg)
Ish-drejtori i policisë së Vlorës, Jaeld Çela i cili u akuzua pёr aktivitete tё ndryshme kriminale nё fushёn e drogёs, ka kërkuar nga Gjykata Kundër Korrupsionit dhe Krimit të Organizuar(GjKKO), konstatimin e shuarjes së afateve të paraburgimit.
Çela ka kërkuar gjithashtu nga GJKKO-ja zbutjen e masës së sigurisë tё vendosur për të cilën po kryen dënimin.
“Sipas ligjit nuk mund të mbahem në burg, pasi nga dita e vendimit nga Apeli ka kaluar me shumë se një vit, ndërsa thekson se për këtë shkak afatet e paraburgimit e kanë humbur efektin”, ka thёnё ish-drejtori.
Dosja penale ndodhet dhe pritet për t’u shqyrtuar nё Gjykatën e Lartë të rrethit Tiranë.
Në nëntor të vitit 2017, prokuroria e akuzoi Çelën se në bashkëpunim me ish-Ministrin Saimir Tahiri ndihmonin bandën e Habilajve për të trafikuar drogë.
Ish-kreu i Policisë së Vlorës u vetëdorëzua në polici në maj të viti 2020, pas dy viteve në arrati, ndërsa akuzohej për veprat penale “Kultivim i bimëve narkotike”, “Trafikim i bimëve narkotike” dhe “Grup i strukturuar kriminal”.
Gjykata e Krimeve të Rënda rëndoi ndaj Çelës vetëm akuzën e shpërdorimit të detyrës dhe e dënoi atë me 3.4 vite burgim.
Nga ana tjetër, ish-ministri u dënua vetëm me 3 vite shërbim prove nën akuzën e rikualifikuar të “shpërdorimit të detyrës”.
Ndonëse i shpëtoi qelisë, ku Prokuroria e Krimeve të Rënda kërkoi ta dërgonte për tre akuza të tjera të rënda, për Tahirin u vendos gjithashtu që për të paktën disa vite të qëndronte jashtë jetës politike.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
BSH: Investimet e huaja në pasuri të paluajtshme rritje me 71%
-
Laboratori i drogës në Frakull, GJKKO jep vendimin për 10 të pandehurit
-
Zbardhen bisedat e skemës abuzive te Onkologjiku: Mjekët dërgonin pacientët te privati, ilaçet për tumorin i çonin nëpër farmaci
-
Tatimi për profesionistët e lirë/ Kushtetuesja mbyll shqyrtimin ligjor, vendimi për 30 ditë
Lajmet kryesore
-
Zbardhen bisedat e skemës abuzive te Onkologjiku: Mjekët dërgonin pacientët te privati, ilaçet për tumorin i çonin nëpër farmaci
-
BSH: Investimet e huaja në pasuri të paluajtshme rritje me 71%
-
SHBA, 150 milionë dollarë ndihmë të re ushtarake për Ukrainën
-
Qeveria: Raportin për Banjën e kemi dorëzuar në BE qysh në vitin e kaluar