Agjentja e futbollistëve reagon ndaj kreut të federatës franceze: Më sheh si dy gjinj…

I akuzuar për ngacmim seksual, presidenti i Federatës Franceze të Futbollit (FFF), Noël Le Graët, ka hyrë në disa trazira të njëpasnjëshme.

Pas deklaratës së pahijshme ndaj një legjende të “Gjelave” si Zinedine Zidane, kundër tij kanë dal shumë aktorë të futbollit brenda dhe jashtë Francës.

“Nuk më intereson nëse Zidane merr drejtimin e Brazilit. Nuk do ia kishte hapur telefonin nëse do më telefononte për t’u interesuar për postin e trajnerit të Francës”, u shpreh Le Graët një ditë pasi rinovoi kontratën me Didier Deschamps.

Mirëpo, sikur të mos mjaftonin trazirat e shkaktuara me deklaratën ndaj Zidane, Le Graët po përballet me një tjetër situatë të pakëndëshme. Mbase dhe më të vështirë se ajo me ish-lojtarin.

Me anë të një dëshmie, Sonia Souid, agjente e futbollistëve, denoncoi veprimet e pahijshme të presidentit të FFF-së, Le Graët.

Në një intervistë në “BFMTV”, 37-vjeçarja ka folur gjatë për sjelljet e papërshtatshme të Le Graët. E ftuar tek Presidenti i Federatës për një darkë dhe një takim pune, ajo rrëfen takimin ku gjërat ndryshuan.

“Kur arrij, ka shampanjë… Jam shumë e befasuar, por mbetem stoike. Ne flasim, flasim për futbollin e femrave. Por Brigitte Henriques (shefja e divizionit të femrave të FFF) që do të ishte e pranishme atë mbrëmje, nuk do të vinte kurrë. As nuk e di nëse i ka thënë për këtë takim”, shpjegon Souid e cila e kupton që diçka nuk shkon.

Agjentja e re, e tronditur nga reagimet e presidentit, shpreh zhgënjimin e saj.

“Unë jam kompetent dhe legjitime, por presidenti im më sheh si dy gjinj dhe një prapanicë. Isha i zhgënjyer nga presidenti im. Për mua duhej të ishte shembullore dhe nuk ishte”, tha ajo ndër të tjera.

💬 "Il doit être exemplaire et il ne l'a pas été"

Sonia Souid, agente de joueurs de football, dénonce le comportement déplacé de Noël Le Graët pic.twitter.com/i2bNqiW24i

— BFMTV (@BFMTV) January 10, 2023

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.