A është vaksinuar Elon Musk?

“Shkenca është e paqartë,” tha CEO i Tesla dhe SpaceX, Elon Musk në një intervistë me Time të botuar të hënën në lidhje me shpalljen e tij si personi i vitit 2021 nga revista.

Megjithatë, ai nuk mendon se qeveria duhet të zbatojë mandatet e vaksinave. Të pavaksinuarit “po marrin një rrezik, por njerëzit bëjnë gjëra të rrezikshme gjatë gjithë kohës,” tha ai. “Unë besoj se ne duhet të kujdesemi për erozionin e lirisë në Amerikë.”

Administrata e Biden ka vendosur një mandat vaksinash për bizneset amerikane me më shumë se 100 punonjës, por rregulli është bllokuar nga gjykatat. Në qytetin e New York, punonjësit e kompanive private duhet të kenë marrë të paktën një vaksinat deri në fund të dhjetorit.

Masa të tilla kanë marrë reagime, veçanërisht nga popullata e pavaksinuar, por sondazhet tregojnë se shumica e amerikanëve janë në mbështetje të kërkesave.

Kur California detyroi bizneset jo thelbësore të mbylleshin, Musk luftoi publikisht me zyrtarët dhe përfundimisht rihapi fabrikën e Tesles  në kundërshtim me rregullat e tyre.

Në prill 2020, Musk i acaruar kritikoi masat e strehimit si “fashiste” dhe “thyerje të lirive të njerëzve në mënyra që janë të tmerrshme dhe të gabuara dhe jo pse ata erdhën në Amerikë ose ndërtuan këtë vend”.

Ai gjithashtu ka shprehur dyshime në lidhje me vaksinën dhe ka ndarë përmbajtjen kundër vaksinës në internet. Në një intervistë të shtatorit 2020 me The New York Times, Musk tha se ai dhe familja e tij nuk kishin në plan të merrnin një vaksinë. Në prill, ai postoi në Twitter dhe fshiu shpejt një karikaturë të redaktuar që përshkruante Bill Gates si organizatorin pas përhapjes së pandemisë dhe vaksinës.

Për më shumë se një vit, konspiracioni ka shtyrë idenë se Gates planifikoi pandeminë dhe vaksinën për të implantuar mikroçipe te njerëzit.

Musk sqaroi pikëpamjen e tij në një postim në muajin prill: “Për të qenë i qartë, unë mbështes vaksinat në përgjithësi dhe vaksinat kundër Covid në veçanti”. 

Musk, në një intervistë, ka thënë se është pro shkencës dhe se ka marrë të gjitha dozat e nevojshme për imunizim 

https://www.youtube.com/watch?v=a2-E2-eSPSI

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.