Fondacioni universitar Unical “F. Solano” në Kalabri të Italisë, ka marrë në koordinim një projekt të rëndësishëm mbi kulturën arbëreshe.
Projekti ka për qëllim përmirësimin dhe ringjalljen e kulturës së pakicës Arbëreshe në Italinë e Jugut. Ky pritet të jetë viti i pakicave gjuhësore.
Në komisionin kombëtar të UNESCO-s, është propozuar kandidatura për trashëgiminë universale jomateriale e shqiptarëve të Italisë.
Kalabria ka një trashëgimi vërtetë për t’u mbrojtur. Në të ka mjaftueshëm material për një projekt të gjerë që mund të tërheqë turizmin kulturor.
Francesco Altimari, president i Fondacionit, e konsideron projektin një mission që përfshin shumë studiues të shquar.
Bëhet fjalë për ata që i kanë kushtuar kohën e tyre, këtyre fenomeneve kulturore. Disa nga emrat e përfshirë në projekt janë: Nicola Scaldaferri, Monica Genesin, Eugenio Imbriani, Giuseppina Turano, Giovanni Macrì dhe Battista Sposato.
“Ne planifikojmë të përfshijmë të gjithë qytetarët e interesuar arbëreshë, madje edhe ata që jetojnë sot jashtë komunave tona, në “diasporën e diasporës”. Por jemi të hapur për të ndarë këtë rrugë me të gjithë subjektet institucionale dhe asociuese”, tha Altimori duke i bërë ftesë atyre që duan të ndihmojnë, madje edhe jashtë komunitetit./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
“Jam i gëzuar që do bashkëpunoj me një profesor si Mickoski – kemi program fantastik me VMRO-në”, Arben Taravari intervistë për Albanian Post
-
Interpelanca/ Salianji: Situata e kriminalitetit është e rëndë, Balla: Në vitin 2023 niveli më i ulët i vrasjeve
-
Në ujërat greke, aty ku vendet evropiane mësojnë të luftojnë pa ndihmën amerikane
-
Sulmet e Metës dhe paraqitja e Veliajt në SPAK, Gonzato: Nuk komentojmë hetimet, por e mbështesim prokurorinë