Liverpool-i vazhdon të jetë i lidhur me një transferim të mundshëm të mesfushorit të Real Madrid-it, Martin Odegaard-in. Norvegjezi ka impresionuar me paraqitjet e tij në Londër me Arsenal-in dhe Jurgen Klopp-i e dëshiron ta ketë nën urdhërat e tij te Liverpool-i.
Odegaard-i u huazua nga Real Madrid-i te Arsenal-i gjatë merkatos së janarit dhe në pak kohë ai është shfaqur në nivele të larta nën drejtimin e Mikel Arteta-s.
Në ndeshjen që Arsenal-i humbi përballë Liverpool-it, norvegjezi ishte larg formës së tij më të mirë, por kjo nuk nuk bëri që Klopp-i të mos thurte elozhe për 22-vjeçarin.
Gjermani është një përkrahës i Odegaard-it, që nga 2015, kur mbërriti në Anfield, por Real-i e cilësoi si të pashitshëm lojtarin. Sidoqoftë, huazimet e shpeshta të norvegjezit, mund të bëjnë që sezonin e ardhshëm ai të vendoset përfundimisht në një destinacion.
Odegaard-i është i hapur për kalimin përfundimtar në Premier Ligë. Arsenal-i e kërkon në huazim përsëri, ndërsa sipas Daily Star, Liverpool-i është klubi që mund t’i plotesojë kërkesat e lojtarit dhe ato të klubit. 40 milionë paund për transferimin dhe 200 mijë paund në javë për lojtarin.
Chelsea është klubi tjetër që ka shfaqur interes për lojtarin dhe është e gatshme të joshi norvegjezin. Ndonëse Arsenal-i duket i bindur që Odegaard-i do mbetet te topçinjtë.
Norvegjezi po shqyrton mundësitë, pasi edhe PSG është pas tij. Liverpool-i duket destinacion serioz, por problematik mbetet sistemi i lojës së Klopp-it. Gjermani luan 4-3-3, stil në të cilin Odegaard-i nuk përshtatet. Kalimi në 4-2-3-1 do të ishte më i përshtatshëm, për të marrë më të mirën e norvegjezit.
Fundi i sezonit dhe ai i Euro 2020 do të jetë vendimtari për lëvizjen e shumë futbollistëve dhe deri atëherë, duket se marrëveshjet do të jenë të ngadalta.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Në 6-mujorin e dytë norma e inflacionit mbeti mbi nivelin e synuar të BSH-së
-
Rama nga impianti i Ferrokromit: Sistemi i filtrimit, 2 milionë euro investim
-
Borrelli thotë se Ballkani Perëndimor ka shansin historik për të lidhur të ardhmen me BE-në
-
Askujt s’iu kërkua ndonjëherë përmbushja e kaq shumë parakushteve sikurse Kosovës, thotë Bakoyannis