Rishikimi i vendimit për viza, profesori britanik: Padrejtësi për Kosovën dhe potencialisht një kërcënim për stabilitetin
![](https://albanianpost.com/wp-content/uploads/2023/08/Hehir1.jpg)
Paralajmërimi i Presidentit të Francës, Emmanuel Macron, se njëra ndër masat që mund të merret ndaj Kosovës dhe Serbisë nëse ato “nuk sillen me përgjegjësi” në procesin e dialogut është edhe shqyrtimi i regjimit të vizave për të dy vendet, sipas ligjëruesit dhe studiuesit të drejtësisë tranzicionale në Universitetin Westminster në Angli, Aidan Hehir, është padrejtësi e madhe ndaj Kosovës dhe potencialisht një kërcënim për stabilitetin .
Profesori anglez i indinjuar me deklaratën e presidentit francez ka theksuar se “është një masë e caktuar e ngacmimit dhe e padrejtësisë të cilat njerëzit mund t’i përballojnë”.
Për deklaratën e Macron një ditë më parë u deklarua edhe presidentja e Kosovës, Vjosa Osmani, duke cilësuar “kërcënimin” e presidentit francez si mënyra më efektive për të vrarë procesin e dialogut njëherë e përgjithmonë.
Një ndëshkim të tillë të paralajmëruar nga Macron, Osmani në një prononcim për media pas homazheve te Memoriali për të Pagjeturit në Prishtinë, e quajti si të paprecedent i cili do të rezultojë me vdekjen e dialogut.
“Në qoftë se dëshiron dikush që mos të ketë më dialog atëherë ndërmerr masa të tilla që janë masa ndëshkuese ndaj popullit të Kosovës, nuk janë ndaj ndonjë lideri, nuk janë ndaj ndonjë politike, janë ndaj popullit të Kosovës. Një ndëshkim i tillë i paprecedentë, i cili edhe ashtu ka qenë pa drejtësi e madhe në raport me popullin e Kosovës, unë besoj se do të rezultojë me vdekjen e dialogut, nuk ka askush më mandat në Republikën e Kosovës që të vijojë të shkojë në Bruksel, kur populli i Kosovës ndëshkohet në aso mënyre”, tha Osmani.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Vuçeviç: Shpërfillja është përgjigja më e mirë për organizatorët e festivalit “Mirëdita, dobar dan”
-
Vidovdani kalon pa incidente, një person u arrestua nga policia
-
Ndalimi i festivalit “Mirdita, dobar dan”, MPJ: Vërteton se Serbia është kundër çdo lloj dialogu me Kosovën
-
Esktradimi i Radojiçiç-it në Kosovë, Selimi: Kusht ironik, Kushtetuta e Serbisë ndalon ekstradimin
Lajmet kryesore
-
Sondazhi: VV dhe Guxo 41%, PDK 19.6, LDK 19.2 dhe AAK-Nisma 6%
-
40 % e hyrjeve në pallate janë bosh, tregon Censi
-
Refuzimi i Mickoksi-t për t’i miratuar ndryshimet kushtetuese: Për këtë arsye e zgjodhi “VLEN”-in dhe jo “Frontin Evropian”
-
Gjyqtarët s’ishin të ndarë, ashtu siç tha Kurti: 8 me 1 ishte raporti i votave për shumicën e neneve të rrëzuara të Ligjit për Byronë