Agjencia Evropiane e Barnave (EMA) i ka dhënë miratimin dy fabrikave të reja për të filluar prodhimin i vaksinave.
Vendimi pritet të ndihmojë në një kohë të shkurtër fushatën e vaksinimit, e cila është shfaqur problematike në Evropë.
Në një deklaratë për shtyp, EMA u shpreh se ka autorizuar dy qendra të prodhimit të vaksinave në Holandë dhe Gjermani.
Godinat e Halix, të vendosura në Leiden të Holandës, do të prodhojnë vaksinën AstraZeneca. Kompania ka kohë që qëndron në pritje të autorizimit nga autoriteti rregullator i barnave në BE.
Vetë AstraZeneca ka bërë me dije se, autorizimi për prodhimin e vaksinës në Halix, do të bëjë të mundur nisjen e shpërndarjes së vaksinave të prodhuara aty brenda fundit të këtij muaji.
Autorizimi tjetër është dhënë për një ngrehinë të BioNTech/Pfizer në Marburg të Gjermanisë, dhe do të prodhojë vaksinën gjermano-amerikane. Nisma do të kontribuojë në ambicien e kompanisë për të prodhuar dy miliardë vaksina deri në fund të vitit.
“Autorizimi nga EMA e bën Marburgun një nga fabrikat më të mëdha të prodhimit të vaksinave në Evropë dhe në botë” thuhet në një deklaratë të BioNTech-ut.
Komisionerja Evropiane për shëndetësinë dhe sigurinë ushqimore, Stella Kyriakides, shfaqi entuziazmin për lajmin.
Në një postim në Twitter, ajo e cilësoi atë si një hap të rëndësishëm në rritjen e kapaciteteve vaksinuese të BE-së.
.@EMA_News approval of more production plants of #COVID19 vaccines is a welcome step in increasing 🇪🇺 production capacity: citizens access to vaccinations must accelerate, every day and every dose counts.https://t.co/jIHkdEQi9r
— Stella Kyriakides (@SKyriakidesEU) March 26, 2021
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Shefi i OSBE-së: Kemi pasur rritje të dhunës ndaj gazetarëve në 12 muajt e fundit
-
KPMShCK e ktheu në punë, Ministria e largon përsëri
-
Erdogan heq çdo dyshim: Kemi ndaluar tregtinë me Izraelin
-
Qendra për Mbrojtjen e Grave në vështirësi të mëdha financiare – gratë që ikin nga burrat dhunues shpejt mund ta humbin edhe këtë strehë shpëtimi
Lajmet kryesore
-
Drejtorët e Bashkisë Tiranë mbeten në burg, Apeli ia rrëzon kërkesën për lirim
-
Presidenti Begaj shpallet ‘Qytetar Nderi’ i arbëreshëve të Kalabrisë
-
Niger, trupa ruse hyjnë në bazën ku ndodheshin trupat amerikane
-
Regresi i Kosovës me 19-të vende në lirinë e medias, Qeveria: S’ishte vit i lehtë, ndikoi Veriu