Presidenti Begaj shkëmben mendime për dialogun Kosovë-Serbi me kryediplomatin turk Hakan Fidan
Presidenti i Republikës së Shqipërisë, Bajram Begaj, zhvilloi një takim të mërkurën e 28 qershorit me Ministrin e Jashtëm të Turqisë, Hakan Fidan.
Kjo, në kuadër të pjesëmarrjes në Takimin e Nivelit të Lartë të Procesit të Bashkëpunimit të vendeve të Evropës Juglindore.
Kujtojmë që, në nëntor të këtij viti Turqia pritet të marrë komandën e KFOR-it në Kosovë.
Sipas njoftimit zyrtar të Presidencës, të dy bashkëbiseduesit u ndalën edhe te zhvillimet më të fundit në rajonin e Ballkanit Perëndimor.
Presidenti Begaj vlerësoi rolin personal të Presidentit Erdogan në ruajtjen e paqes dhe të sigurisë në këtë rajon.
“Në mënyrë të veçantë u shkëmbyen mendime edhe për dialogun Kosovë-Serbi dhe për nevojën e vijimit të këtij dialogu, në shërbim jo vetëm të të dy vendeve, por të gjithë rajonit në tërësi”, thekson reagimi i institucionit të kreut të shtetit.
Pasi e uroi për marrjen e detyrës së Ministrit të Jashtëm të një vendi mik, Presidenti Begaj vlerësoi marrëdhëniet shumë të mira të bashkëpunimit e të partneritetit strategjik midis dy vendeve.
Kreu i shtetit shprehu gjithashtu mirënjohje për mbështetjen e vyer që Turqia i ka dhënë Shqipërisë dhe shqiptarëve, veçanërisht në kapërcimin e pasojave të tërmetit shkatërrimtar në nëntor të vitit 2019, si dhe gjatë periudhës së pandemisë COVID-19.
Më 5 qershor, një batalion komando turk i kërkuar nga NATO mbërriti në Kosovë për të ndihmuar në shuarjen e trazirave të dhunshme.
Rreth 500 anëtarë të brigadës së 65-të të këmbësorisë së mekanizuar të Turqisë përbënin pjesën më të madhe të përforcimeve të NATO-s.
Batalioni turk fillimisht u vendos në kampin Sultan Murat në Prizren dhe do të qëndrojë në Kosovë “për aq kohë sa të jetë e nevojshme”, tha NATO.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Manja i përgjigjet Alibeajt: 8 të dënuar nga GJKKO-ja përfituan nga Amnistia, nuk janë simbol i korrupsionit
-
Gonzato në Ditën e Evropës: Duhet të përfundojmë procesin e integrimit të Ballkanit Perëndimor
-
Alibeaj: Mbi 110 deputetë u bënë bashkë për të nxjerrë të korruptuarit nga burgu
-
Rezoluta e PS-së për antikorrupsionin, Basha: Vështirëson punën e SPAK
Lajmet kryesore
-
Ali Ahmeti fiton – përsëri – zgjedhjet, kësaj radhe i dyti me deputetë në nivel republikan
-
Manja i përgjigjet Alibeajt: 8 të dënuar nga GJKKO-ja përfituan nga Amnistia, nuk janë simbol i korrupsionit
-
Trajnuesit ushtarakë perëndimorë mund të shkojnë në Ukrainë, thotë ministri i Lituanisë
-
Mungesa e instituteve hetimore, ngadalëson procesin për ngritje të aktakuzave për sulmin në Zveçan dhe Banjë