“Pekini nuk dëshiron të jetë bashkëpunëtor i Kremlinit, por të minojë rolin e SHBA-ve”

Imazhi që hyri në histori është ai i Chris Patten, guvernatorit të fundit të Hong Kong-ut, duke marrë në duart e tij Union Jack, në ditën e dorëzimit të kolonisë në Kinë.

Sot Patten, pas një karriere shumë të gjatë që e pa edhe në Komisionin Evropian  është rektor i Universitetit të Oxford-it dhe mbetet një nga vëzhguesit më të vëmendshëm të skenarëve globalë.

Xi Jinping sapo ka njoftuar vizitën e tij në Moskë.

Për Pekinin, ai ka thënë se qëllimet i ka të ngatërruara. Por që si gjithmonë synohet të sigurohet vazhdimësia e monopolit të pushtetit të Partisë Komuniste.

“Nga njëra anë thonë se Putin-i është shoku i tyre më i mirë, por nga ana tjetër ata janë tepër nervozë për t’u parë si bashkëpunëtorët e tij: kështu që ata duhet të ecin në një litar të ngushtë. Por bashkëfajësia mund të marrë shumë forma”, ka dalluar ai.

Sipas tij, teksa ata nuk duan të shihen si mbështetës të hapur të Rusisë, ata kanë një interes të fortë për të turpëruar Amerikën, për ta ndarë atë nga Evropa dhe për të minuar pozitën e Amerikës në botë.

“Ata janë në një situatë të vështirë, të cilën janë përpjekur ta maskojnë përmes të ashtuquajturës iniciativë të tyre të paqes: por ajo që nuk po japin është se këtë luftë e ka nisur Rusia dhe se ukrainasit nuk do t’i lëshojnë territor Rusisë”, ka shtjelluar Patten.

Nga ana tjetër, ai shton se zyrtarët në Pekin duhet të jenë shumë të shqetësuar për interpretimin e tyre të inteligjencës për atë që do të ndodhte në Ukrainë: ata duhet të kenë pasur inteligjencë të mirë, por “fakti që ata nuk ishin në gjendje ta interpretonin atë siç bëri CIA dhe të jepnin një tregues se çfarë do të kishte ndodhur me pushtimin rus, është në vetvete një dobësi e vërtetë”.

“Ndoshta ata nuk arrijnë të kuptojnë se njerëzit do të luftonin kundër çdo pritshmërie për liri dhe demokraci: ndoshta kjo është përtej të kuptuarit të tyre. Kishte një dështim të madh të inteligjencës nga ana e tyre”, ka ritheksuar ai.

Po ashtu Patten ka dhënë edhe një përshtypje të tij për presidentin rus Vladimir Putin.

“Putini është një nga njerëzit më të pakëndshëm që kam takuar ndonjëherë. Hera e parë ishte në vitin 1999, në një samit BE-Rusi për të cilin unë dhe Prodi po përfaqësonim Komisionin. Atë mëngjes, teksa prisnim, kishte lajme për agjencitë e bombardimeve në Grozny, kryeqyteti çeçen: kështu që e pyetëm Putin-in, ai tha se nuk e dinte dhe do të pyeste. Në drekë na tha se ishte autogol i guerrilasit çeçen, se mbante armë që kishin shpërthyer rrugës. Por në atë moment agjencitë po njoftonin se helikopterët rusë kishin sulmuar Groznin”.

Për Patten, çështja nuk është se Putin-i po i gënjente, por se ai i gënjeu duke e ditur se e dinin.

“E takova disa herë të tjera dhe konfirmova përshtypjen time të parë: se ai ishte një gënjeshtar i tmerrshëm”, ka ravijëzuar ai.

“Sa më shumë të mësoni për të, aq më shumë kuptoni se Putin-i nuk ishte thjesht një oficer i KGB-së: ai është dikush që e mësoi zanatin e tij në vitet 1970 si ndërlidhës i KGB-së në Dresden me bandën Baader-Meinhof, ai ishte përgjegjës për financimin e bandës Baader Meinhof nga KGB- ja”.

Që në fillim mjeshtër i operacioneve të fshehta.

“Edhe këtu në Britani, megjithëse ai nuk vriste njerëz drejtpërdrejt, ai ishte i bindur. Nuk është vetëm rasti Litvinenko, ka pasur shumë vdekje të pashpjegueshme midis atyre që ishin kritikët e tij. Ata vdesin papritur nga një atak në zemër ose kryenin vetëvrasje”.

“Putin-i është një njeri i keq”, ka përmbyllur Patten.

Marrë nga “Corriere della Sera”, përshtatur për “Albanian Post”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.