![](https://albanianpost.com/wp-content/uploads/2023/02/Adnan-Rrustemi-deklarate-pase-Mbledhjes-se-Kryesise-se-Kuvendit-foto-Ridvan-Slivova-1-e1671561834873-780x439-1.jpg)
Deputeti i Lëvizjes Vetëvendosje, Adnan Rrustemi në seancën e Kuvendit të Kosovës ka kërkuar nga deputet që të qëndrojnë të bashkuara kur është fjala për Serbinë.
Kërkesë e Rrustemit ishte që deputetët t’i thonë “Jo Zajdenicës” dhe “Jo Vuçiç-it”.
“A bën një herë faktorët politikë të ish pushtetit të thonë më zë të lartë çka duan për Kosovën e jo çka don Vuçiç”, deklaroi Rrustemi.
Sqarim nga deputet kërkoi edhe për qëndrimin e tyre ndaj Zajdenicës.
“A bën me na tregu ju a jeni për Zajdenicën. A duam të jemi unik e bashkë për Kosovën pavarësisht gjithçkaje që na duhet dhe na kërkohet sa herë jeni ligështuar para këtyre rrethanave çdo herë i keni dhuruar Kosovës një dëm, provojeni për herë të parë, le të qëndrojmë bashkë”.
Ndër vite, sipas tij Kosovën e kanë përcjellur kërkesat e presidentit të Serbisë.
“Para tre vjet e tani nuk bënte pa kërkesat e Vuçiç-it edhe tash nuk bën pa kërkesat e Vuçiç-it edhe në vitin 2013 nuk bënte pa kërkesat e Vuçiçit kur u nënshkrua marrëveshja për parime edhe në 2015 nuk bënte pa kërkesat e tij”.
“Jo Zajdenicës, jo Vuçiç-it brenda Kosovës dhe jo stërndarjes së Kosovës në baza etnike”.
Më 1 shkurt, kryeministri i Kosovës, Albin Kurti, është pyetur sërish për themelimin e Asociacionit të Komunave me Shumicë Serbe.
Ai ka përsëritur se “Asociacioni njëetnik në Kosovë me Kushtetutë shumetnike nuk është i mundshëm”.
Ambasada amerikane në Prishtinë, të martën e 31 janarit ka organizuar një diskutim të mbyllur për Asociacionin.
Ky takim i organizuar në Ambasadë ka ardhur në një kohë kur është intensifikuar kërkesa amerikane për themelimin e Asociacionit si parakusht për vazhdimin e negocimit dhe potencialisht arritjen e një marrëveshje bazuar mbi propozimin franko-gjerman.
Artikulimi i fundi i kësaj kërkese u shpreh përmes një letre të hapur të dy top-diplomatëve amerikanë, Derek Chollet dhe Gabriel Escobar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Konjufca thotë se Borrelli favorizoi Serbinë: Kjo do të ndryshojë pas ardhjes së Kallasit në krye të diplomacisë së BE-së
-
Sllovenia do ta përkrahë rrugëtimin evropian të Kosovës | Zupançiç: Dialogu Prishtinë-Beograd, rruga e vetme përpara
-
Konjufca: Kushtet e Kurtit shumë të arsyeshme, s’ka paqe në rajon pa u dënuar sulmuesit e Banjës
-
AME-ja apelon qytetarët që të kenë kujdes në shmangien e shkaktarëve të zjarrit
Lajmet kryesore
-
Ismail Kadare, gjiganti i letërsisë shqipe
-
Skandali te Onkologjiku/ Rama: Është krim kundër njerëzimit, Koçiu prezanton masat
-
Rezultatet përfundimtare të raundit të parë në Francë: e djathta ekstreme 33.1%, e majta 27.9
-
Konjufca: Kushtet e Kurtit shumë të arsyeshme, s’ka paqe në rajon pa u dënuar sulmuesit e Banjës