Sulmuesi kuqezi, Armando Broja, ka pësuar në dëmtim në gju që mund ta lërë jashtë fushave të blerta për pjesën e mbetur të sezonit.
Bomberi i Shqipërisë u lëndua në ndeshjen miqësore që aktualisht Chelsea është duke e zhvilluar ndaj Aston Villa-s në Abu Dhabi.
Broja e nisi këtë lojë nga fillimi, ku partner në sulm pati Pierre-Emerick Aubameyang, por mbeti në tokë pas një përplasjeje me Ezri Konsa.
Ai qëndroi në tokë për disa minuta, derisa u desh ndërhyrja e barelave për ta larguar atë.
Blutë humbën 1-0 kur Broja kontestoi një top në zonën e Vilës, por menjëherë ra në tokë dhe qëndroi poshtë për disa minuta përpara se të largohej me barelë.
Nuk dihet ende se sa do të ndikojë ky lëndim i Brojës, por gjuri mund të jetë një rrezik rikuperimi për të.
Kujtojmë që Broja ishte një futbollist i kërkuar në afatin kalimtar të dimrit, pasi shumë klube ishin vënë pas tij, në krye me Milan-in.
Tani mbetet të qartësohet e ardhmja e 21-vjeçarit, pasi të kuptohet shkala e dëmtimit të tij.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Numërohen afër 95% e votave: “Fronti Evropian” ka 18 deputetë, “VLEN” 13
-
Rama ‘habitet’ me opozitën greke dhe kupton perspektivën e Mitsotakisit për vizitën e tij në Athinë
-
Ahmeti: Jemi fitues me mbi 30 mijë vota, qytetarët janë për anëtarësim në BE
-
O’Brien, Escobar e Lajçak “diskutim të rëndësishëm” mbi strategjinë për të çuar përpara Kosovën e Serbinë në dialog