Me pretendimin se kanë dështuar të fshijnë postimet që u kërkojnë fëmijëve të marrin pjesë në protesta të paligjshme, janë paditur pesë platforma të mediave sociale nga autoritetet ruse.
Lajmi është bërë i ditur fillimisht nga agjensia e lajmeve, Interfax, e cila ka cituar një gjykatë të Moskës.
Agjensia e lajmeve, Reuters, zbulon se Twitter-i, Google-i dhe Facebook-u kanë secila nga tre çështje kundër tyre për shkelje, të cilat janë të dënueshme me gjobë deri në katër milionë rubla. Pjesë e tyre është edhe TikTok-u dhe Telegram-i.
Reuters shpjegon se çështjet janë hapur pas protestave, të cilat u përhapën në të gjithë vendin. Ato nisën për burgosjen e Alexei Navalny-t muajin e kaluar, i cili është një kritik i njohur i presidentit Vladimir Putin.
Sipas Navalny-t dhe mbështetësve të tij, dënimi 30 mujor për shkelje të pretenduara të lirimit me kusht lidhur me një rast përvetësimi, është një shpifje për arsye politike.
Nga ana tjetër, autoritetet e mohojnë të ketë ndodhur diçka e tillë.
Google-i nuk ka pranuar të komentonte lidhur me raportin e nxjerrë të Interfax-it. Ndërsa Facebook-u, Twitter-i, TikTok-u dhe Telegram-i, nuk i janë përgjigjur menjëherë kërkesës për koment.
Pritet që rastet e Google-it, Facebook-ut dhe Twitter-it, të shqyrtohen më datë 2 prill.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
BE thotë se nevojiten më shumë burime për të luftuar dezinformimin rus – Ballkani i prekur
-
Shifra rekord për numrin e fluturimeve dhe të pasagjerëve, tregon INSTAT
-
Firmat kineze kalojnë ‘nëntokë’ në pagesat e Rusisë ndërsa bankat tërhiqen
-
Regjistrimi i serbëve në Veri do të shfaqte manipulimet me listat zgjedhore – “hezitimi, rezultat i institucioneve të Kosovës”
