Kryeministri britanik, Rishi Sunak, është takuar me presidentin e Ukrainës, Volodymyr Zelensky në vizitën e tij të parë në Kiev që kur mori drejtimin e Qeverisë.
Takimi u mbajt për të “konfirmuar mbështetjen e vazhdueshme të Mbretërisë së Bashkuar” për Ukrainën.
Kështu të paktën tha një zëdhënës i Qeverisë britanike.
“Ne diskutuam çështjet më të rëndësishme si për vendet tona ashtu edhe për sigurinë globale”, shkroi Zelensky në Telegram pas takimit.
Sunak – i cili mori detyrën muajin e kaluar – u shpreh se ishte “thellësisht përulëse” të ishe në Kiev dhe u zotua se Mbretëria e Bashkuar do të vazhdojë të qëndrojë pranë ukrainasve në luftën e tyre.
Gjatë takimit me Zelensky, ai theksoi se Mbretëria e Bashkuar do të sigurojë një paketë të re të madhe të mbrojtjes ajrore për të ndihmuar në mbrojtjen e civilëve ukrainas dhe infrastrukturës kombëtare të vendit nga sulmet ruse.
Ukraina ka kërkuar ndihmë nga vendet perëndimore në muajt e fundit mes sulmeve intensive ajrore ruse në Kiev dhe në të gjithë vendin.
Paketa prej 50 milionë paundësh përfshin 125 armë kundërajrore për të luftuar dronët vdekjeprurës të furnizuar nga Irani, duke përfshirë dhjetëra radarë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Johnson & Johnson do të paguajë 6.5 miliardë dollarë për të zgjidhur padinë për shkaktimin e kancerit
-
Gjenden 5 skelete pa duar dhe këmbë para shtëpisë së liderit nazist Hermann Göring
-
Vuçiçi bën llogaritjet e fundit: Do të jenë mes 29 dhe 33 vota pro Kosovës – mjaftojnë 31 për t’u anëtarësuar në Këshillin e Evropës
-
Universitetet në Francë të bllokuara nga demonstratat pro Palestinës
Lajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit