Shtatë kandidatë në një fushë mini-futbolli të përshtatur për ekipe me gjashtë persona.
Kështu kishte zgjedhur Partia Demokratike të prezantonte shkurtimisht por zyrtarisht elektoratin e saj me kandidatët e primareve demokrate në kryeqytet.
Adriana Kalaja, Belind Këlliçi, Enkelejda Fejzo, Fatmir Merkoçi, Gerti Bogdani, Ilir Alimehmeti dhe Julian Deda do të kandidojnë për primaret në Tiranë.
Ata shpalosën para demokratëve të Njësisë 1 dhe 2 disa ide themeltare të fushatës paraprake për të shkuar drejt përballjes me kryebashkiakun e Tiranës, Erion Veliaj.
E përbashkëta e tyre ishte dakordësimi “pas humbjes brenda llojit” drejt qëllimit kryesor, ai i fitores së një mandati që do të peshonte shumë në ekulibrat politikë të vendit.
Deri më datën 4 dhjetor…
Kështu ka vendosur kryetari i Partisë Demokratike, Sali Berisha për përmbylljen e primareve, ku do të përzgjidhen kandidatët për kryetar bashkie.
Këta të fundit do të marrin pjesë në zgjedhjet vendore të vitit 2023.
Të parat që do të mbajnë primaret, do të jenë Tirana, Elbasani dhe Durrësi ndërsa kandidatët kanë vetëm 2 javë kohë për të bërë fushatë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit