“Kohët e vështira kërkojnë koordinim dhe bashkëpunim me partnerët”, Krasniqi tregon për takimet që do i ketë në Bruksel e Washington
Kryetari i Partisë Demokratike të Kosovës, Memli Krasniqi, ka njoftuar se gjatë javës së ardhshme do të ketë takime të shumta në Bruksel dhe Washington.
Ai përmes një postimi në Facebook theksoio se temat e takimit do të jenë situata aktuale, sfidat dhe rrugët përpara.
“Kohët e vështira kërkojnë koordinim dhe bashkëpunim me partnerët e vërtetë, të besueshëm dhe strategjikë. Me miq të cilët ia duan të mirën Kosovës, popullit tonë dhe që mbajnë gjithmonë dyert hapur për ne”, shkroi ai.
Krasniqi në ShBA do të pritet në takime në Departamentin e Shtetit, e po ashtu do të takohet edhe me zyrtarë të Këshillit të Sigurisë Kombëtare.
Do të ketë takime edhe në Kongres e Senat, ndërsa do ketë takime edhe në disa prej instituteve dhe think-tanks kryesore amerikane.
Haxhiu: S’ma refuzuan SHBA-të vizën, u dakorduam bashkarisht që të mos shkoj
Ndryshe, të mërkurën mediat në Kosovë raportuan se ministres së Drejtësisë, Albulena Haxhiut i është refuzuar viza për udhëtim në SHBA.
Por, Haxhiu e ka mohuar një gjë të tillë.
“Marrë parasysh situatën aktuale politike në vend, bashkërisht kemi konsideruar se duhet ta shtyjmë për një datë më të përshtatshme vizitën. Lajmet se më është refuzuar viza dhe lajmet tjera lidhur me vizitën, ndryshe nga ky shpjegim, nuk qëndrojnë pra janë të pavërteta”, ka shkruar Haxhiu në Facebook.
Ajo ka theksuar se vizitën në SHBA-a do ta realizojë, por “datat do t’ua kumtojmë me kohë”.
“Sot pasdite jam takuar me zyrtarë të lartë të Ambasadës së SHBA-ve në Kosovë. Ndër të tjera, diskutuam edhe rreth ftesës së tyre për vizitë në SHBA”.
Për këtë çështje është pyetur nga gazetarët edhe ambasadori i SHBA-së në Kosovës, Jeffrey Hovenier.
Ky i fundit tha se “nuk sheh ndonjë rrethanë” për diçka të tillë.
Megjithatë, shtoi ai, Kosova tani “është në krizë”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ambasada amerikane në Kosovë: Një demokraci e fortë inkurajon një media të lirë
-
Basha: Meta është kartë e djegur, harxhim kohe të merrem me të
-
Prezantohet strategjia e menaxhimit të Financave Publike, Gonzato: Prek disa kapituj të integrimit evropian
-
KMShK-ja i konsideron si të “dëmshme dhe të papranueshme” përpjekjet e Qeverisë për kontroll mbi mediat
Lajmet kryesore
-
Kosova shënon regres për 19 vende në indeksin e “Reporterëve pa Kufij” – gazetarët vazhdojnë të jenë cak i sulmeve politike
-
Prezantohet strategjia e menaxhimit të Financave Publike, Gonzato: Prek disa kapituj të integrimit evropian
-
Një darkë në Elysee për të bindur Scholz-in për Kinën
-
Nga lufta ndaj krimit te pavarësia e prokurorëve, qeveria shpalos 4 rekomandime për SPAK dhe Prokurorinë