Është miratuar vaksinimi me dozën e katërt kundër COVID-19 për disa kategori, kështu ka bërë të ditur ministri i Shëndetësisë, Rifat Latifi.
“Lejohet vaksinimi me dozën e katërt për të gjithë personat e grup-moshës mbi 50 vjeçare (të paktën 4 muaj pas marrjes së dozës së tretë), personat me sëmundje kronike dhe imunitet të dobësuar të moshës mbi 5 vjeçare (të paktën 4 muaj pas marrjes së dozës së tretë) si dhe për profesionistët shëndetësorë, pa dallim moshe”.
MSH-ja ka njoftuar se ky vendim është marrë me rekomandim të Komitetit për imunizimin e popullatës me vaksinën kundër COVID-19.
“Lejohet vaksinimi me dozën e katërt Rekomandimet e aprovuara janë mbështetur në organizatat kredibile ndërkombëtare të fushës së shëndetësisë”.
Deri tani, vaksinimi me dozë të katërt ishte i lejuar vetëm për personat 60 vjeç.
Ministria e Shëndetësisë, bëri të ditur të premten se janë regjistruar 67 raste pozitive me COVID-19.
Numri i të infektuarve vjen nga 486 mostra të marra nga Shërbimi Spitalor dhe Klinik Universitar i Kosovës.
Sipas Ministrisë së Shëndetësisë, gjatë 24 orëve të fundit janë shëruar 203 persona.
Raste aktive me COVID-19, janë gjithsejtë 885 persona.
Brenda 24 orëve të fundit, në Kosovë janë vaksinuar 17 persona.
Numri i personave të vaksinuar me dozën e parë arrin në 904 mijë e 147, kurse numri i të vaksinuarve me të dy dozat është 824 mijë e 525.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Edhe në mars Shqipëria me rekord trafiku pasagjerësh nga Rinasi
-
Raportimi i Kathimerini hedh hije dyshimi mbi vizitën e Ramës në Athinë
-
Pentagoni pranon se SHBA-të kanë vrarë gabimisht një civil në sulmin në Siri në vitin 2023, raporton Washington Post
-
Britania e Madhe do të votojë pro Kosovës në Këshillin e Evropës