Albin Kurti, kryeministri i Kosovës, sipas të ashtuquajturit drejtor i “Zyrës për Kosovën” në Qeverinë e Serbisë, Petar Petkoviç, nuk di asgjë tjetër përveç të bie borive të luftës, duke këmbëngulur se më 1 shtator do të fillojë me të vërtet implementimin e vendimit të Qeverisë së tij për targat dhe reciprocitetin me kartat e identitetit.
“Albin Kurti nuk di gjë tjetër përveç kërcënimeve dhe shantazhit, një gjë e tillë dëshmohet nga deklarata e tij e fundit, ku konfirmoi edhe njëherë se dëshiron konflikt dhe se i pëlqen të flasë për luftë çdo ditë”, ka pretenduar Petkoviç.
Sipas Petkoviç, dëshira e Beogradit dhe e ndërkombëtarëve ishte që Kurti të heqë dorë nga reciprociteti, megjithatë në argumentimin e tij të cekët, Petkoviç ka anashkaluar faktin se vendimi i Qeverisë së Kosovës për targat dhe kartat e identitetit nuk është pezulluar, por është shtyrë për një periudhë 1 mujore.
“Në vend të formimit të Asociacionit, Kurti vazhdon me planet e tij militante, qëllimi përfundimtar i të cilit është dëbimi i popullit serb nga Kosova”.
Për Petkoviç, targat ilegale me akronime “KM”, “PZ”, “PR” e të tjera nuk janë targa të mbetura nga koha e Millosheviçit, e as kartat e identitetit nuk janë të paligjshme siç pretendon Kurti, por janë “asete të shtetit të Serbisë”.
“Serbët do të vazhdojnë të ruajnë paqen dhe stabilitetin si dhe do të ruajnë mbijetesën e tyre me të drejtat e garantuara të cilat Albin Kurti nuk mund t’i nëpërkëmbë”, ka supozuar ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Vizita e Xi Jinping, Escobar: I shërben rritjes së tensioneve mes Serbisë dhe Perëndimit
-
KMDLNJ: MD-ja po e dezinformon publikun për marrëveshjen me Danimarkën – është kriminale dhe raciste
-
Musliu-Shoshi për Kurtin dhe VV-në: Qëllimi i tyre është zhbërja e Kosovës
-
Escobar: Asociacioni dhe Këshilli i Evropës janë të ndërlidhura, s’e kuptojmë pse Kosova s’e përmbush obligimin
Lajmet kryesore
-
KSHZ: Deri në orën 15:00 në zgjedhjet parlamentare votuan 36,84%, në ato presidenciale 32,16%
-
SHBA-të pro nismës socialiste për sundimin e ligjit: Premtuese për luftën ndaj korrupsionit
-
Mitsotakis: Ardhja e Ramës në Athinë është e panevojshme, s’ka ftesë nga Qeveria greke
-
Escobar: Asociacioni dhe Këshilli i Evropës janë të ndërlidhura, s’e kuptojmë pse Kosova s’e përmbush obligimin