Kusari: VV-ja po tenton ta shkatërrojë bordin e RTK-së, procesi i intervistimit dhe i poentimit ishte joprofesional
Flutura Kusari, juristja e së drejtës së medias, pas monitorimit të intervistimit të kandidatëve për anëtar të bordit të Radio Televizionit të Kosovës, ka konstatuar se partia mazhoritare, Lëvizja Vetëvendosje, ka për qëllim shkatërrimin e këtij bordi.
E kjo për shkak se, deputetët e Lëvizjes Vetëvendosje gjatë procesit të intervistimit dhe sidomos procesit të poentimit të kanditatëve kanë qenë jashtëzakonisht joprofesional dhe jotransparent.
“Nivel i thellë i regresit në transprencë dhe organizim krahasuar me procesin e parë për zgjedhjen e anëtarëve të bordit të RTK-së në nëntor të vitit të kaluar, i cili ishte organizuar në mënyrë fantastike”, ka shkruar Kusari në rrjetin e saj social në Facebook.
Për Kusarin, Lëvizja Vetëvendosje ka aftësi ta shkatërrojë punën e saj të mirë që ka bërë me RTK-në deri më tani përmes këtij intervistimi, i cili sipas saj do të pasqyrohet në detaje edhe në të gjitha raportet ndërkombëtare.
“Është e papranueshme që në njërën anë të bëhet ftesë për aplikime në rekrutime publike duke premtuar meritokraci dhe duke ftuar profesionistë që të aplikojnë e në anën tjetër të montohen procese në të cilat kandidatët nuk vlerësohen në baza meritore”, ka vazhduar ajo.
Për këtë Kusari i bënë përgjegjës deputetët e mazhorancës, Fitim Hajrizin, Arbëreshë Kryeziun, Njazi Isakun, Ergjan Galushin dhe Besim Muzaqin.
Në anën tjetër, vendimin e deputetes së Aleancës për Ardhmërinë e Kosovës, Albana Bytyqi dhe deputetit të Lidhjes Demokratike të Kosovës, Agim Veliu, për të mos e nënshkruar procesverbalin e këtij intervistimi, Kusari e ka cilësuar si të drejtë.
“Procesi duhet të përsëritet nëse VV nuk dëshiron që ta shkatërrojë punën e mrekullueshme që ka bo deri më tani me RTK”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Protestat në kampusin amerikan: Grupet rivale të protestës në Gaza përleshen në UCLA
-
Diplomatët shpresojnë për një marrëveshje ndërsa Izraeli zbut qëndrimin
-
Anketa e IRI për Kosovën: SHBA-të aleati më i rëndësishëm, Serbia kërcënimi më i rrezikshëm
-
Liria e medias “rrezikshëm afër pikës së thyerjes” në disa vende të BE-së
Lajmet kryesore
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Liria e medias “rrezikshëm afër pikës së thyerjes” në disa vende të BE-së
-
Osmani kërkon mbështetjen e Zvicrës për anëtarësimin e Kosovës në KiE