Punimet e Komisionit për Çështjet Ligjore, Administratën Publike dhe të Drejtat e Njeriut janë shoqëruar nga debate të shumta lidhur me arrestimin e majorit shqiptar në Holandë.
Ky i fundit, u ndaluar nga autoritetet holandeze nën akuzën e “rritjes së kanabisit”.
Deputeti i Partisë Demokratike, Gazment Bardhi ka parashtruar disa pyetje për të cilat ka bërë përgjegjëse Ministrinë e Mbrojtjes.
“A ka pasur Ministria e Mbrojtjes informacion për aktivitetin e këtij ushtaraku të lartë? Çfarë veprimesh ka bërë Shërbimi Informativ Ushtarak? A keni informacione të zyrtarëve të tjerë të lartë të ushtrisë për përfshirje në veprimtari kriminale? Si ndikon kjo në marrëdhëniet tona me NATO-n? A është cënuar siguria kombëtare e shtetit shqiptar?”.
Përfaqësuesja e institucionit të Mbrojtjes theksoi se ngjarja në fjalë është përgjegjësi perosnale dhe po ndërmerren hapa ligjore,
Opozitari solli në vëmendje edhe rastin kur një tjetër ushtarak shqiptar u arrestua ndërsa transportonte drogë.
“Në fakt nuk është përgjegjësi personale por dështim i Ministrisë së Mbrojtjes dhe Shërbimit Informativ Ushtarak. E mbani mend atë rastin kur ushtaraku në detyrë transportonte drogë me helikopterin e ushtrisë dhe u zbulua kur iu prish helikopteri”, shtoi Bardhi.
Sipas tij, ministria duhet të kryejë hetime pro-aktive për ushtarakët që dërgon në bazat e NATO-s.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
EURO U-19/ Shqipëria njeh kundërshtarët në raundin kualifikues
-
Policia e Shtetit duhet të rrisë rezultatet dhe besimin e publikut, thotë Balla
-
Avokati i Popullit nënvizon rëndësinë e mbrojtjes së gazetarëve, në ditën e lirisë së shtypit
-
Presidenti Begaj shpallet ‘Qytetar Nderi’ i arbëreshëve të Kalabrisë