Universiteti i Tiranës ka publikuar udhëzuesin mbi zhvillimin e provimeve të semestrit të parë, ku sipas rregullave të përgjithshme është vendosur që provimet të zhvillohen online.
Realizimi online i provimeve ka sjellë përfitime në aspekte të ndryshme. Sidoqoftë, me përfitimet, vijnë sfidat e tij shoqëruese.
Nëse ky sistem do të jetë efektiv, atëherë është e rëndësishme që këto sfida të adresohen.
Sfida e parë dhe mbase më e dukshme me të cilën përballen studentët është disponueshmëria e kompjuterëve dhe pajisjeve të tjera.
Dy studentë, me pikëpamje të ndryshme, u shprehën për Albanian Post mbi këtë çështje.
Nëse i vendosim mendimet e tyre në një drejtim, ata duken si dy vija paralele që nuk takohen kurrë.
Mario, studenti i Fakultetit të Shkencave të Natyrës, e ka humbur shpresën se do të funksionojë kjo metodë. Ai ka zgjedhur të mos futet më në provime, me eksperiencat që ka kaluar deri tani.
“Profesoresha poston link-un e provimit, por ai nuk hapet dhe faji nuk është yni. Kështu ikën dhe mundësia për të përfunduar provimin”, shprehet Mario.
Ai na tregon dhe për rastin tjetër kur link-u thjesht nuk hapet.
Nga ana tjetër, Eni na tregon për situatën në Fakultetin e Historisë dhe Filologjisë (FHF).
“Një nga avantazhet e provimeve online është fakti që provimet mund të jepen edhe kur ti je larg apo në punë. Ka pasur probleme, por jo të pazgjidhura”, thekson Eni.
FHF-ja duket se i ka marrë parasysh problemet që mund të dalin gjatë provimeve online. Ato u kanë propozuar studentëve një sezon njëjavor, nëse, për arsye nga më të ndryshmet, nuk kanë mundur të futen në provim.
Kjo nismë, sipas fakulteteve, është mbështetur edhe nga Rektorati i Tiranës.
Për këtë problematikë, rektorati ka reaguar duke u shprehur për trajnimet e shumta që kanë marrë pedagogët për krijimin dhe mbarëvajtjen e provimeve online. Sipas tij, i fundit ka qenë më 12 shkurt, kur pedagogët u njohën me aplikacionin “Forms”.
Kjo u mundëson atyre njohjen e ndërtimit të anketave dhe pyetësorëve që zhvillohen online.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit