Dodik pas takimit me kryediplomaten britanike – “Nuk lejoj që Bosnje-Hercegovina t’i dërgojë ndihmë Ukrainës”
Lideri i entitetit serb të Bosnje-Hercegovinës “Republika Srpska”, Milorad Dodik, ka thënë se në asnjë mënyrë nuk do të lejojë BeH-në t’i dërgojë ndihma Ukrainës në luftën kundër Rusisë, raportoi HINA.
Në takimin që Dodik pati me kryediplomaten britanike, Liz Truss, lideri nacionalist i entitetit serb fajësoi perëndimin për luftën në Ukrainë.
“Këta tani po provojnë të mobilizojnë disa këtu në Bosnje-Hercegovinë për t’u përfshirë në dërgesa të disa pajisjeve ose armëve. Natyrisht kjo nuk mund të bëhet pa vendim të Presidencës”, u shpreh Dodik derisa u shpreh në anën e Rusisë.
Ai tha se nuk do të pajtohej kurrë me vendimin e Presidencës së BeH-s për furnizimin e ushtrisë ukrainase me pajisje dhe armë.
Që nga fillimi i agresionit rus ndaj Ukrainës, Dodik nuk e ka mbështetur Ukrainën dhe dhe e ka quajtur presidentin rus Vladimir Putin të mençur dhe me qëllime të mira.
Më herët Liz Truss u shpreh edhe për Dodikun dhe sanksionet britanike kundër tij.
“Ne kemi vendosur sanksione ndaj [Milorad] Dodik, edhe ndaj disa politkanëve tjerë që duan të destabilizojnë paqen në Bosnje-Hercegovinë. MB do të vazhdojë të bëjë këtë gjë ndaj atyre që minojnë progresin”, u shpreh ajo, raporti N1 në gjuhën boshnjake.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rishfaqet qyteti shekullor teksa diga e Filipineve thahet gjatë valës së të nxehtit
-
Të ardhurat e Apple bien më pak nga sa pritej, pavarësisht fillimit të vështirë të vitit
-
14 ditët e fundit të regjistrimit të popullsisë – 1 milionë qytetarë u regjistruan
-
Ekspertët të shqetësuar për variantin e ri KP.2 të COVID në SHBA