Çela në Konferencën e 13-të të Prokurorëve Evropianë, miratohet deklarata që dënon agresionin rus
![](https://albanianpost.com/wp-content/uploads/2022/05/WhatsApp-Image-2022-05-13-at-10.11.54-AM.jpeg)
Prokurori i Përgjithshëm i Shqipërisë, Olsian Çela, është pjesëmarrës në konferencën e 13-të të Rrjetit të Prokurorëve Evropianë që po zhvillohet në Vjenë, Austri.
Çështje kryesore e konferencës është bashkëpunimi mes Zyrës së Prokurorit Publik Evropian dhe prokurorive kombëtare.
Zyra e Prokurorit Publik Evropian heton dhe ushtron ndjekjen penale për krime që kryhen kundër buxhetit të BE si mashtrimi dhe korrupsioni.
Në konferencë u miratua një deklaratë, përmes së cilës u shpreh shqetësimi dhe solidariteti me Ukrainën dhe popullin ukrainas, si dhe u dënua agresioni rus dhe krimet e rënda që janë kryer atje.
Anëtarët e rrjetit u angazhuan që brenda kompetencave të tyre ligjore, të mbështesin autoritetet ukrainase në mbledhjen dhe sigurimin e provave, si dhe në hetimin dhe ndjekjen penale të krimeve të rënda të kryera në kuadër të konfliktit të armatosur.
Krijimi i zyrës përbën një hap të rëndësishëm përpara në krijimin e një zone të përbashkët të drejtësisë penale në Bashkimin Evropian.
Prokurori i Përgjithshëm e vlerësoi nisjen e bashkëpunimit me Zyrën e Prokurorit Publik Evropian si hap në rrugën e duhur në procesin e integrimit të vendit në BE.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Beqaj në burg, GJKKO zbardh vendimin: 4 akuzat që rëndojnë mbi ish-ministrin
-
GJKKO refuzon garancinë pasurore të Beqajt, lë në burg ish-ministrin
-
Krijohet Trupa e Ndërhyrjes Teknike, Balla: Presim rritje të numrit të turistëve
-
Beqaj mohon akuzat, ofron garanci pasurore 5 mln lekë për të fituar lirinë