Trupat e 44 civilëve u gjetën nën rrënojat e një ndërtese në Izyum, rajoni Kharkiv.
Lajmin e bëjnë të ditur mediat ukrainase, të cilat citojnë Oleg Sinegubov, kryetar i Administratës Ushtarake Rajonale të Kharkiv-it.
“Në Izyumin e pushtuar përkohësisht, nën rrënojat e një ndërtese pesëkatëshe, të cilën pushtuesit e shkatërruan në dhjetëditëshin e parë të marsit, u gjetën trupat e 44 civilëve të vdekur”, deklaroi fillimisht ai.
Sipas zyrtarit ukrainas, ky është një tjetër krim i tmerrshëm lufte i forcave ruse kundër popullatës civile.
“Ne po regjistrojmë secilin dhe ata do të paguajnë për secilin!”, shtoi Sinegubov.
Kujtojmë se trupat ruse hynë në Ukrainë në mëngjesin e 24 shkurtit.
Forcat ruse fillimisht hodhën bomba mbi objektivat ushtarake dhe, më pas, qëlloi mbi ato civile, veçanërisht në rajonin e Kharkiv-it.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rishfaqet qyteti shekullor teksa diga e Filipineve thahet gjatë valës së të nxehtit
-
Të ardhurat e Apple bien më pak nga sa pritej, pavarësisht fillimit të vështirë të vitit
-
14 ditët e fundit të regjistrimit të popullsisë – 1 milionë qytetarë u regjistruan
-
Ekspertët të shqetësuar për variantin e ri KP.2 të COVID në SHBA