Sekretari i Përgjithshëm i OKB-së, Antonio Guterres, ka bërë thirrje për një pauzë humanitare katërditore deri të dielën e Pashkëve Ortodokse në luftimet në Ukrainë. Kështu ka raportuar agjencia e lajmeve ndërkombëtare “Reuters”.
Guterres tha se OKB-ja po u parashtronte plane të detajuara palëve dhe ishte e gatshme të dërgonte karvane ndihme humanitare në Mariupol, Kherson, Donetsk dhe Luhansk.
Kjo, duke filluar nga e enjtja e madhe dhe deri të dielën e 24 prillit, data e Pashkëve Ortodokse, e cila festohet nga shumica e ukrainasve dhe rusëve.
Ai u tha gazetarëve se, “nevojat humanitare janë të tmerrshme. Njerëzit nuk kanë ushqim, ujë, furnizime për t’i trajtuar të sëmurët apo të plagosurit apo thjesht për të jetuar çdo ditë”.
Një pauzë humanitare do të lejojë kalimin e sigurt të civilëve të gatshëm të largohen nga zonat e konfliktit. Përveç kësaj do të lejojë dërgimin e ndihmave humanitare për njerëzit në zonat e goditura rëndë.
Më shumë se 12 milionë njerëz kanë nevojë për ndihmë humanitare në Ukrainë, tha Guterres.
“Në vend të festimit të një jete të re, kjo Pashkë përkon me një ofensivë ruse në Ukrainën Lindore. Përqendrimi intensiv i forcave dhe i fuqisë së zjarrit e bën këtë betejë në mënyrë të pashmangshme më të dhunshme, të përgjakshme dhe shkatërruese”, ishte mesazhi i Guterres-it.
Ai e përmbylli, duke thënë se, “sulmi dhe numri i tmerrshëm i civilëve që kemi parë deri më tani mund të zbehet në krahasim me tmerrin që na pret”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Basha: Meta është kartë e djegur, nuk harxhoj kohë me të
-
Prezantohet strategjia e menaxhimit të Financave Publike, Gonzato: Puna bashkërenduese do jetë shumë bashkëpunuese
-
KMShK-ja i konsideron si të “dëmshme dhe të papranueshme” përpjekjet e Qeverisë për kontroll mbi mediat
-
Amnistia penale është atentat kundër reformës në drejtësi, thotë Basha
Lajmet kryesore
-
Kosova shënon regres për 19 vende në indeksin e “Reporterëve pa Kufij” – gazetarët vazhdojnë të jenë cak i sulmeve politike
-
Prezantohet strategjia e menaxhimit të Financave Publike, Gonzato: Puna bashkërenduese do jetë shumë bashkëpunuese
-
Një darkë në Elysee për të bindur Scholz-in për Kinën
-
Nga lufta ndaj krimit te pavarësia e prokurorëve, qeveria shpalos 4 rekomandime për SPAK dhe Prokurorinë