Princesha Latifa Al Maktoum, vajza e udhëheqësit të Dubait, u ka dërguar miqve të saj një video ku akuzon të atin se po e mban peng.
Latifa, e cila u përpoq të ikte nga vendi në 2018-ën, por u kthye me forcë, ka përdorur një telefon për të dërguar një seri mesazhesh sekrete. Ajo ka pretenduar se po mbahej peng në një vilë të mbyllur e rrethuar nga policia.
Videot janë gjetur nga rrjeti televiziv BBC dhe u transmetuan të martën në mbrëmje, në Mbretërinë e Bashkuar.
“Nëse jeni duke parë këtë video, nuk është një gjë aq e mirë, ose unë kam vdekur ose jam në një situatë shumë, shumë, shumë të keqe”, tha ajo në atë pamje, e cila shkaktoi shqetësim ndërkombëtar.
Një fushatë po mbahet në Dubai për lirimin e saj. Qeveria e Emirateve të Bashkuara Arabe ka thënë më parë se Latifa, është e sigurt dhe e lumtur me familjen e saj.
Videot e reja përfshijnë rrëfimin se si dështoi përpjekja e saj për të ikur në janar të 2018-ës.
Në një operacion të planifikuar me një biznesmen francez dhe mikun e saj të arteve marciale, Latifa mori një gomone nga bregu i Dubait.
Tetë ditë më vonë, në brigjet perëndimore të Indisë, gomonia u sulmua nga forcat speciale, të cilët përdorën granata tymi për ta detyruar Latifa-n të zbriste.
Në pamjet e reja, të regjistruara më shumë se një vit pasi Latifa u kthye, ajo tregon luftën me ushtarët në anije.
Babai i saj është Sheik Mohammed bin Rashid al-Maktoum, sundimtari i Dubait dhe nënkryetari i Emirateve të Bashkuara Arabe. Ajo është e dyta nga 25 fëmijët e tij, që përpiqet të largohen nga familja. Të gjithë kanë të njëjtin fat, rikthehen dhe zhduken.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
14 ditët e fundit të regjistrimit të popullsisë – 1 milionë qytetarë u regjistruan
-
Ekspertët të shqetësuar për variantin e ri KP.2 të COVID në SHBA
-
Franca vlerëson se 150 mijë ushtarë rusë janë vrarë në luftën në Ukrainë
-
NYPD nxjerr shifrat e arrestimeve, mes pretendimit të “agjitatorit të jashtëm” në protestën e Columbia-s për Gazën