Në muajin dhjetor 2021, u bë me dije se biznesmeni i njohur shqiptar, Samir Mane, e kishte shitur tek një konsorcium turk, kompaninë Albchrome. Shitja ishte bërë tek kompania “Yildirim International Mining Investments”, e cila do të menaxhojë tashmë minierën e kromit në Bulqizë.
Derisa shitja e Albchrome u zbardh, shuma për të cilën ishte arritur marrëveshja, ende nuk kishte dalë.
Burime të Albanian Post tashmë, kanë mësuar se bëhet fjalë për një transaksion marramendës prej dhjetëra miliona dollarësh – një shumë rekord në Shqipëri për shitjen e kompanive private.
Në rreth 30 milionë dollarë, përllogaritet vetëm fitimi i grupit Balfin nga kjo shitje.
Albchrome Holding, është një shoqëri me përgjegjësi të kufizuar e regjistruar në Shqipëri. fusha e tyre e veprimit lidhet me aktivitetet mbështetëse në industrinë e minierave dhe shërbimeve për mineralet jo metalike.
Nga ana tjetër, shoqëria Yildrim, është një kompani me përgjegjësi të kufizuar, e regjistruar në Holandë. Ky grup, operon në industrinë e minierave, energjisë, prodhimit të plehrave kimike, fertilizuesve etj..
Kjo shitje, pas dy viteve në rënie të industrisë së kromit në Shqipëri. shkak kryesor për këtë, mendohet se ka qenë pandemia e COVID-19, ku xhiro vjetore ka shkuar deri në 4.5 miliardë lekë në vitin 2020. Kjo është një rënie prej 40% krahasuar me vitin 2019, kur pandemia nuk ishte ende eminente.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit