Kryeministri i Kosovës, Albin Kurti, tha se e ka të konfirmuar që kryesuesi aktual i bordit të ZRRE-së, ka qenë kundër heqjes se bllok-tarifave në marsin e vitit 2017.
Sipas tij, bordi i atëhershëm dhe Komisioni Parlamentarë kanë qenë për heqjen e tarifave gjë që e kanë detyruar të ndërroj qëndrim.
“Bordi aktual i ZRRE-së është votuar në këtë Kuvend të Republikës, unë nuk e kam ditur anëtarët e këtij bordi tash çfarë kanë bërë në vitin 2017. Mirëpo sapo mu konfirmua që kryesuesi aktual ka qenë kundër heqjes së bllok-tarifave në marsin e vitit 2017. Ai ka qenë në anën e stafit profesional që e ka rekomanduar mirëmbajtjen e bllok-tarifës, e që është shkelur nga bordi i atëhershëm dhe Komisioni përkatës Parlamentarë”, u shpreh Kurti në fjalën e tij në Seancën e jashtëzakonshme e cila po mbahet për të diskutuar për rritjen e tarifës së energjisë elektrike.
Kurse, shefi i Grupit Parlamentar të PDK-së, Abelard Tahiri, i demantoi këto deklarata të Kurtit.
“Po të citoj çka ka thënë ish-drejtori i Departamentit të Tarifave të ZRRE-së në këtë takim, ka thënë se me tarifat e reja synojmë nxitjen e kursimit të energjisë elektrike. Dhe për informatën tënde Selatin Kaqaniku nga Organizata Konsumatori, e ka kundërshtuar në këtë takim pikërisht këtë drejtor i cili ka këkruar heqjen e bllok-tarifave. Ajo që ta kanë servuar si informatë është e pa vërtetë kryeministër, këtë njeri e ke shpërblyer, e ki kryesues të bordit të ZRRE-së.” tha Tahiri.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Lirimi nga burgu i themeluesit të Agimit të Artë zemëron antifashistët grekë
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit