Takimi mes Shteteve të Bashkuara të Amerikës (SHBA) dhe Rusisë në Gjenevë, me fokus sigurinë, ka përfunduar.
Lajmi u bë i ditur nga Departamenti Amerikan i Shtetit (DASH).
Pas gati tetë orësh bisedimesh intensive, SHBA-të i kthyen kërkesat Rusisë, ndërsa kjo e fundit tha se, nuk kishte asnjë arsye për t’u frikësuar nga një përshkallëzim i tensioneve me Ukrainën.
Me trupat ruse të grumbulluara përgjatë kufijve të Ukrainës, diplomatët amerikanë dhe rusë e bënë të qartë – pas një raundi intensiv negociatash – se ndërsa të dyja palët do të vazhdojnë të bisedojnë, ato mbeten larg marrëveshjes.
Zyrtarët rusë thanë se u thanë homologëve të tyre amerikanë se nuk kishin plane për të pushtuar Ukrainën.
“Nuk ka asnjë arsye për t’u frikësuar nga një lloj skenari përshkallëzues”, u tha gazetarëve pas takimit Sergei A. Ryabkov, një zëvendësministër i Jashtëm rus.
Sipas tij, bisedimet ishin të vështira, të gjata, shumë profesionale, të thella dhe konkrete.
“Ne mendojmë se pala amerikane i mori shumë seriozisht propozimet ruse dhe i studioi ato thellësisht”, u shpreh Ryabkov.
Wendy Sherman, diplomatja kryesor amerikan, tha se Shtetet e Bashkuara të Amerikës “po i shtyjnë disa propozime të sigurisë që s’janë primare për SHBA-të”.
Këtu duke përfshirë kërkesat e Rusisë që Ukraina të mos pranohet në NATO dhe që aleanca t’i japë fund bashkëpunimit të saj të sigurisë me Ukrainën.
“Ne nuk do të lejojmë askënd të përplasë politikën e dyerve të hapura të NATO-s, e cila ka qenë gjithmonë qendrore për aleancën e NATO-s”, tha Sherman në një konferencë me gazetarët.
Ajo tha se të dy palët diskutuan mundësinë e ringjalljes së “Traktatit të Forcave Bërthamore me Rreze të Mesme”, të cilin Shtetet e Bashkuara e braktisën në vitin 2019, pas vitesh që akuzonin Rusinë për shkeljen e kushteve të saj.
Nga ana tjetër, Ryabkov theksoi se toni i bisedimeve ishte optimist.
Bisedimet – të parat në një seri diskutimesh që do të zhvillohen në të gjithë Evropën këtë javë – u përqendruan rreth kërkesave për “garanci sigurie”.
Rusia këmbëngul që kërkesat e saj të shkojnë përtej kontrollit të armëve.
“Nëse Rusia nuk merr atë që dëshiron”, tha presidenti Vladimir Putin muajin e kaluar, “Kremlini është i përgatitur të përdorë mjete ushtarake për të arritur qëllimet e tij”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ceremonia tradicionale “Karli i Madh”, Rama: Luajti një rol kyç në formësimin e historisë
-
Përcaktohen gjyqtarët e Apelit të Posaçëm që do të shqyrtojnë ankimin Belerit
-
Tirana ‘Kryeqyteti Mesdhetar i Kulturës dhe Dialogut’ për 2025-ën
-
BE është e plotë vetëm me integrimin e Ballkanit Perëndimor, thotë Hasani
Lajmet kryesore
-
Osmani uron Siljanovska-Davkova-n nga VMRO – DPMNE, por jo edhe Ali Ahmetin
-
BE është e plotë vetëm me integrimin e Ballkanit Perëndimor, thotë Hasani
-
Ish-kreu i shërbimit sekret izraelit: Lironi Barghoutin dhe vendosni për dy shtete – kështu mposhtet Hamasi
-
PDK: Të finalizohet anëtarësimi i Kosovës në Këshillin e Evropës