Një raport i Gjykatës Evropiane të Auditorëve (ECA), i publikuar të hënën e 10 janarit, tregon se qindra miliona euro të depozituara nga unioni në vendet e Ballkanit Perëndimor, me qëllimin e vetëm përmirësimin e drejtësisë, nuk po japin rezultat.
Ky raport vë në dukje mungesën e përkushtimit të këtyre shteteve për të trajtuar çdo gjë.
Kjo duke filluar që me korrupsionin e përhapur deri tek instancat më të larta shtetërore, që do t’i ndihmonte ata në rrugën drejt anëtarësimit në BE.
Me një mori problemesh – 27 anëtarët e BE-së kanë zgjatur duart “për të përqafuar” Shqipërinë, Maqedoninë e Veriut, Malin e Zi, Serbinë, Bosnjë-Hercegovinën dhe Kosovën dhe për t’i afruar anëtarësimin.
Në të njëjtën kohë, ndikimi i Kinës dhe Rusisë është rritur në rajonin e paqëndrueshëm.
“Mbështetja e BE-së për sundimin e ligjit në Ballkanin Perëndimor nuk ka qenë qartësisht e suksesshme”, tha Juhan Parts, i cili shkroi raportin shumë kritik të ECA-s.
Raporti prej 52 faqesh tregon se sa pak është arritur me 700 milionë euro ndihmë për rinovimin e institucioneve nga viti 2014 në 2020.
Gjithashtu theksohet se më shumë është shpenzuar gjatë dy dekadave të fundit, kur kombet kishin dalë nga sundimi komunist, lufta dhe grindjet e brendshme dhe u joshën për të hedhur bazat e një demokracie perëndimore.
“BE-ja ka shfrytëzuar shumë rrallë mundësinë e pezullimit të ndihmës nëse një përfitues dështon të respektojë parimet bazë të demokracisë, sundimit të ligjit dhe respektimit të të drejtave të njeriut”, tha ECA-ja në një deklaratë.
Edhe pse në raport shkruhet se “disa zhvillime pozitive të kohëve të fundit, kryesisht në Shqipëri dhe Maqedoninë e Veriut”, sërish “në një kontekst të vullnetit të pamjaftueshëm politik (mbështetjes së BE-së) ka pasur një ndikim të kufizuar të përgjithshëm në avancimin e rolit themelor të reformave ligjore”.
Problemet kryesore mbeten të lidhura me pavarësinë e gjyqësorit, përqendrimin e pushtetit, ndërhyrjen politike dhe korrupsionin.
Studimi, me kritikat e tij “shpesh therëse”, vjen në një kohë kur vrulli i zgjerimit të BE-së është ndalur.
Perspektiva e anëtarësimit ka qenë një forcë shtytëse e fuqishme për reformat në Ballkan që kur ish-Jugosllavia u shpërbë në luftë në fillim të viteve 1990.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Avokati i Popullit nënvizon rëndësinë e mbrojtjes së gazetarëve, në ditën e lirisë së shtypit
-
Presidenti Begaj shpallet ‘Qytetar Nderi’ i arbëreshëve të Kalabrisë
-
Drejtorët e Bashkisë Tiranë mbeten në burg, Apeli ia rrëzon kërkesën për lirim
-
Debati për Shkollën e Magjistraturës, deputetët e opozitës kërkesë: Të mblidhet Komisioni i Ligjeve
Lajmet kryesore
-
Drejtorët e Bashkisë Tiranë mbeten në burg, Apeli ia rrëzon kërkesën për lirim
-
Avokati i Popullit nënvizon rëndësinë e mbrojtjes së gazetarëve, në ditën e lirisë së shtypit
-
Niger, trupa ruse hyjnë në bazën ku ndodheshin trupat amerikane
-
Shefi i OSBE-së: Kemi pasur rritje të dhunës ndaj gazetarëve në 12 muajt e fundit