Në Abissnet Superiore këtë të martë do të luhet ndeshja e fundit për javën e 13. Laçi vendas do të presë Tiranën në stadiumin “Laçi”, duke filluar nga ora 13:45.
Bardheblutë aktualisht udhëheqin Superioren me 27 pikë. Kurbinasit renditen në vendin e katërt me 18 pikë.
Në gjashtë ndeshjet e luajtura në shtëpi bardhezinjtë kanë arritur tre fitore, një barazim dhe dy humbje. Bardheblutë në transfertë kanë arritur tre fitore, dy barazime dhe një humbje.
Laçi i ka fituar dy ndeshjet e fundit në shtëpi. Edhe Tirana i ka fituar dy ndeshjet e fundit në transfertë.
Në ndeshjen e fazës së parë mes dy skuadrave ishin bardheblutë që dolën me tri pikët. Në sfidën e luajtur në kryeqytet, Tirana fitoi me rezultatin 2-0.
Në rast të një tjetër fitore në takimin e kësaj të marte, Tirana do të vendoste një hendek prej gjashtë pikësh nga Kukësi i vendit te dytë. Nëse fiton Laçi, do të ketë mundësinë t’i afrohet Vllaznisë së vendit të tretë, me një pikë diferencë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Me mbi 75% e votave të numëruara “Fronti Evropian” ka 20 mijë vota më shumë se “VLEN”
-
Rama ‘habitet’ me opozitën greke dhe kupton perspektivën e Mitsotakisit për vizitën e tij në Athinë
-
Ahmeti: Jemi fitues me mbi 30 mijë vota, qytetarët janë për anëtarësim në BE
-
Kasami: Nga nesër mund të shpallim koalicionin e ndryshimit me VMRO-DPMNE