E veshur më një fustan unik dy pjesësh dhe me ngjyrë rozë, këngëtarja me prejardhje shqiptare, Dua Lipa, ishte në mesin e artistëve të ftuar special në koncertin e parë të Adele, pas plot katër vjetësh.
Lipa kishte rezervuar komplimente të shumta ndërsa ka parakaluar në tepihun e kuq duke rrëmbyer vëmendjen me fizikun e saj të përsosur dhe disa flutura interesante në fustanin që kishte veshur, e që ishte i inspiruar nga moda e vitit 2000.
Pos, Dua Lipës, në koncertin e Adele të mbajtur në “London Palladium”, pjesë kanë marrë edhe figura të tjera publike, të tilla si modelja, Naomi Campbell e aktorja, Emma Watson.
Gjithsesi, koncerti rikthyes i ikonës angleze të muzikës është pjesë e ITV Special, ndërsa është titulluar – “An Audience with Adele”, dhe i njëjti do të transmetohet me datë 21 nëntor të këtij viti.
Ky nuk ka qenë angazhimi i vetëm i Adele për këtë vit, pasi që ajo është i është rikthyer seriozisht muzikës pas gjashtë vjetësh, kësaj radhe duke realizuar edhe këngë të reja të cilat pritet të jenë pjese e albumit në ardhje të titulluar – “30”.
Ndryshe, ylli i hitit “Levitating”, Dua Lipa, pritet të nderohet për çmimin e lidershipit nga këshilli Atlantik.
Ylli 26-vjeçar i popit do marrë pjesë në mbrëmjen gala më dhjetë nëntor, ku do ndahen çmimet, në auditoriumin Andrew W. Mellon në Washington, DC.
Kjo mbrëmje do jetë edhe festimi i 60-të vjetorit e Këshillit Atlantik, i cili promovon udhëheqjen konstruktive të Shteteve të Bashkuara së bashku me aleatët globalë.
“Përfituesit e çmimeve të lidershipit 2021 përfaqësojnë më të mirën e marrëdhënieve transatlantike”, u shpreh Frederick Kempe, president dhe CEO i Këshillit Atlantik, në një deklaratë.
Dua Lipa do të nderohet me çmimin për karrierën muzikore dhe angazhimin e saj për kauzat filantropike, përfshirë fuqizimin e brezit të ardhshëm të muzikantëve ballkanik.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
“The Veil”, sjellë Elisabeth Moss-in duke lundruar nëpër ujërat e spiunazhit
-
Billie Eilish njofton turneun e radhës nga albumi i ardhshëm “Hit Me Hard and Soft”
-
Koncerti i Quavos “pa publik” ndez teorinë e egër konspirative të Chris Brown-it
-
“The Tortured Poets Department” i Taylor Swift-it zë vendin e parë me shitjet e saj më të mira në karrierë në javën e parë
Lajmet kryesore
-
“Jam i gëzuar që do bashkëpunoj me një profesor si Mickoski – kemi program fantastik me VMRO-në”, Arben Taravari intervistë për Albanian Post
-
Strategji kombëtare kundër emigracionit, Balla: Synojmë të frenojmë kërkesat për azil
-
Në ujërat greke, aty ku vendet evropiane mësojnë të luftojnë pa ndihmën amerikane
-
Gazetarët në protestë para Kuvendit për lirinë e shtypit