![](https://albanianpost.com/wp-content/uploads/2021/11/astriti.png)
Strukturat udhëheqëse të Lëvizjes Vetëvendosje kanë bërë homazhe te varri i aktivistit të tyre, Astrit Dehari, i cili u gjet i vdekur në Qendrën e Paraburgimit në Prizren në vitin 2016.
Babai i Astrit Deharit, Avni Dehari, i ka bërë thirrje Prokurorisë që ta zbardhin rastin e djalit të tij.
“I bëjë thirrje Prokurorisë që të mos i zvarrisin rastet, siç kanë zvarritur deri më tani, dhe ta zbardhin këtë rast dhe të gjitha rastet që duhen të zbardhen në Kosovë”, ka thënë Dehari.
Ndërsa, kryetari i Vetëvendosjes dhe kryeministri i Kosovës, Albin Kurti, ka thënë se e kujtojnë me krenari Astritin.
“Sot janë mbushur pesë vjet pa Astritin, me shumë dhimbje dhe mall, më shumë dashuri dhe krenari e kujtojmë për punën angazhimin, kontributin dhe sakrificën e tij”.
![](https://albanianpost.com/wp-content/uploads/2021/11/252542664_3033120083631320_7026221004672458036_n.jpg)
Ai ka thënë se me pesë nëntor, janë bërë pesë vite padrejtësi.
“Ai u mbyt në burg, në Prizrenit me 5 nëntor të vitit 2016. Ne nuk mund te jemi të qetë, përderisa nuk ka drejtësi për Astitin, përgjegjësit nuk janë gjykuar dhe dënuar, dhe nuk është zbardhur në plotëni e vërteta për të”, ka thënë Kurti.
Shefi i ekzekutivit ka treguar se duhet të zbardhen të gjitha rastet duke i përfshirë viktimat e luftës, krimit dhe politikës.
“Ne ja kemi borxh Astritit, edhe qytetarëve drejtësinë për Astritin, duhet dhe do të bëjmë reforma të thella edhe për viktimat e krimeve të kryera gjatë luftës nga Serbia, për viktimat e krimit të organizuar e korrupsionit, edhe për viktimat e krimit politik, çfarë ishte edhe mbytja e Astritit në burg”, tha Kurti.
Kurti ka qenë i shoqëruar nga Kryetari i Kuvendit, Glauk Konjufca, kandidati për kryetar të Komunës së Prishtinës, Arben Vitia, ministrja e Industrisë, Ndërmarrësisë dhe Tregtisë, Rozeta Hajdari, avokati, Tomë Gashi.
Astrit Dehari, më pesë nëntor të vitit 2016 ishte gjetur i vdekur brenda Qendrës së Paraburgimit në Prizren.
Dehari po mbahej në paraburgim nën dyshimin se ka qenë njëri nga gjashtë personat që mori pjesë në sulmin e pesë gushtit të vitit 2016, ku me granatahedhës ishte sulmuar Kuvendi i Kosovës.
Ndërsa, në pranga kishin përfunduar edhe aktivistet tjerë të Lëvizjes Vetëvendosje, Frashër Krasniqi, Petrit Ademi, Adea Batusha, Atdhe Arifi dhe Egzon Haliti.
Edhe, Partia Socialdemokrate ka përkujtuar ish-bashkëpartiakun e tyre, Astritin Deharin, në pesë vjetorin e vdekjes së tij në rrethana ende të pasqaruara plotësisht.
PSD-ja e ka akuzuar Vetëvendosjen se e ka instrumentalizuar rastin Dehari, dhe përmes projektligjeve në sistemin e drejtësisë është duke punuar që të ketë gjithçka nën kontroll.
![](https://albanianpost.com/wp-content/uploads/2021/11/252509464_2965132327080890_1465878942508271061_n.jpg)
“Sot përkujtuam Astritin. Do ta kujtojmë përherë si shok dhe si emër për drejtësinë e munguar. VV e sheh drejtësinë tamam ashtu siç e ka trajtuar prej fillimit rastin e Astritit. Një fjalë i përmbledhë këto dy gjëra bashkë: instrumentalizim. Për të instrumentalizuar duhet futur gjërat në kontroll. Tashmë ka nisur Projektligji që ia mundëson Partisë t’i përzgjedhë anëtarët e Këshillit Prokurorial”.
“Drejtësi e vërtetë dhe universale është ajo që tejkalon dialektikën e zëvëndësimit të një regjimi me një tjetër. Drejtësia duket si buzëqeshja e një loje, dhe jo si mjeti në dorë të pushtetit. Drejtësia nuk gjendet brenda dyshës mjet-qëllim. Është vetëreferenciale”, thuhet në postimin e PSD-së në rrjetin social Facebook.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gërvalla, presidentit të Komitetit të Ministrave të KiE-së: I kemi plotësuar të gjitha kushtet për anëtarësim
-
LDK: Edhe një vendim anti-kushtetues i Qeverisë
-
Partitë kryesore spanjolle kundërshtojnë njohjen e pavarësisë së Kosovës
-
Qeveria: Raportin për Banjën e kemi dorëzuar në BE qysh në vitin e kaluar
Lajmet kryesore
-
Zbardhen bisedat e skemës abuzive te Onkologjiku: Mjekët dërgonin pacientët te privati, ilaçet për tumorin i çonin nëpër farmaci
-
BSH: Investimet e huaja në pasuri të paluajtshme rritje me 71%
-
SHBA, 150 milionë dollarë ndihmë të re ushtarake për Ukrainën
-
Gërvalla, presidentit të Komitetit të Ministrave të KiE-së: I kemi plotësuar të gjitha kushtet për anëtarësim