Kërkesa e tyre është e qartë: Duam t’u adresohemi liderëve botërorë nëpërmjet Asamblesë së Përgjithshme të Organizatës së Kombeve të Bashkuara, e cila do të mbahet në New York gjatë kësaj jave.
Gjasat që kjo të ndodhë janë të pakta. Por, një komitet i posaçëm i OKB-së ka marrë përsipër shqyrtimin e kësaj kërkese.
Rebelët kanë vendosur gjithashtu edhe mbi përfaqësuesin e tyre afgan si Ambasador pranë OKB-së. Ai do të jetë zëdhënësi i tyre për shtyp në Doha, Suhail Shaheen.
Shaheen do të jetë përfaqësues zyrtar i Afganistanit në OKB. Ndërsa mbi të mandatuarin e shkuar, talebanët kanë bërë me dijeni se, në bazë të shtetit sovran të Emiratit Islamik të Afganistatit, ai nuk është më përfaqësues i tyre.
Komiteti, që do të shqyrtojë kërkesën e rebelëve, përbëhet edhe nga SHBA-të, Kina dhe Rusia.
Dy të fundit ka gjasë të mbështesin pushtetarët e rinj afganë. Por një pranim më i gjerë, duket pak i mundur.
Sipas rregullores ndërkaq, përfaqësuesi aktual i Afganistanit në OKB, Gjulam Isaczai, mbetet në fuqi deri në përfundim të punimeve.
Në ditët e fundit, ai pritet të mbajë një fjalim, por do të jetë i pavlerë, pasi nuk përfaqëson Afganistanin sipas talebanëve.
Asnjë qeveri nuk e ka njohur regjimin taleban deri më tani. Por, shumë prej tyre, nuk njohin as qeverinë e kaluar të ish-presidentit afgan, Ashraf Ghani.
Ky i fundit u largua nga Kabuli më 15 gusht, kur talebanët mësynë kryeqytetin dhe morën kontrollin.
Tashmë pritet fjala e fundit për kërkesën e talebanëve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Operacion antidrogë në Tiranë: Lëshohen 30 urdhërarreste, ekzekutohen 25 prej tyre
-
Hamasi: Opinioni negativ për negociatat me Izraelin, por le të ecim përpara
-
Policia kritikohet për reagimin e ‘vonuar’ ndaj dhunës në “Columbia University”
-
Më shumë se 50 demokratë nënshkruajnë një letër, i kërkojnë Bidenit të parandalojë sulmin në Rafah
Lajmet kryesore
-
E enjtja e interpelancave – Opozita kërkon sqarime nga dy ministra
-
Puna e detyruar, çfarë parashikon projektligji i ri për studentët e mjekësisë
-
Pekini forcon kontrollin ndaj gjigantëve kinezë të mediave sociale
-
Biserko: Shpresoj që Kosova të bëhet anëtare e KiE-së, do ishte pozitive edhe për komunitetin serb