![](https://albanianpost.com/wp-content/uploads/2021/09/barrierat-ne-rruge.png)
Ministri i Punëve të Brendshme të Kosovës, Xhelal Sveçla, ka shkruar një status në llogarinë e tij në Twitter ku kërkon nga protestuesit në Veri që të mos bllokojnë rrugën duke vendosur pengesa.
“Deklaratat politike për targat e përkohshme të veturave po bëhen për të shpërndarë panik dhe frikë. Lus qytetarët që të mos e bllokojnë rrugën dhe të mos vendosin barriera”, shkruan ministri.
![](https://albanianpost.com/wp-content/uploads/2021/07/Edhe-ministri-Xhelal-Svecla-do-te-vaksinohet-sot-me-AstraZeneca.jpg)
Ai u ka thënë edhe një herë, pasi herën e parë e bëri në konferencë për media, se ata “kanë liri të plotë të lëvizjes dhe janë të sigurt dhe të mbrojtur nga Kushtetuta e Kosovës dhe ligjet e Republikës”.
Serbët kanë bllokuar rrugën afër pikës kufitare në Jarinje në Veri të Kosovës, pasi njësia speciale e policisë është vendosur atje për të zbatuar reciprocitetin e targave me Serbinë.
Kosova Serbs have complete freedom of movement and are safe and protected by the Constitution and laws of the Republic of Kosova.
Political statements on temporary car plates are aimed at spreading panic and fear.
I urge citizens not to block roads and not to put up obstacles.— Xhelal Sveçla (@XSvecla) September 20, 2021
Të gjitha veturat me targa serbe, duhet t’i heqin ato dhe të vendosin targa të përkohshme me RKS, njëjtë siç duhet shqiptarët e Kosovës të vendosin targa të përkohshme serbe dhe t’i heqin ato me RKS, kur kalojnë në Serbi.
Të gjitha zhvillimet për ndërhyrjen e forcave policore të Kosovës në Veri mund t’i ndiqni LIVE në Albanian Post.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Zyrapi: S’kam parë dokument që ishte prezantuar për emërimin e Salih Veselit si komandant në zonën e Pashtrikut
-
Gërvalla uron Veldkamp: Mezi pres të bashkëpunojmë
-
Vogel: Kallas do të jetë më e ashpër ndaj Serbisë se sa kanë qenë ndonjëherë Borrelli e Lajçaku
-
Osmani, Konjufca e Kurti marrin pjesë në ceremoninë shtetërore të Lamtumirës për Kadarenë