Në një libër të publikuar nga Universiteti i Harvard-it do të gjeni disa pika, të cilat ju ndihmojnë që të kini një kujtesë të fortë, pavarësisht moshës suaj në rritje.
Të harrosh herë pas herë, deri diku mund të jetë e natyrshme, por nëse harroni shpesh dhe shumicën e gjërave, kjo bëhet shqetësuese.
Një studim i vitit 2015, nga studiuesit e Harvardit, tregon se aftësia jonë për të qenë të vëmendshëm përmirësohet me moshën, duke arritur kulmin rreth 43 vjeç.
Por si të mbani memorien në formë sipas këtij libri?
Bëni gjumë të rehatshëm
Sipas librit, njerëzit, të cilët nuk flenë mirë natën, kanë tendencën të kenë më shumë probleme me kujtesën sesa ata që flenë mirë.
Prandaj, është e rëndësishme të përmirësoni rutinën tuaj të gjumit.
Lini duhanin
Sipas Institutit Kombëtar të Shëndetit në Shtetet e Bashkuara të Amerikës, nikotina nga cigaret është po aq vrasëse sa përdorimi i heroinës.
Njerëzit që pinë më shumë cigare në ditë, rrezikohen dyfish në zhvillimin e demencës.
Ulni konsumimin e alkoolit
Nëse jeni konsumues të rregullt të alkoolit, kjo do t’ju shkaktojë probleme me memorien. Ndërsa sasia e alkoolit të konsumuar rritet, rritet edhe madhësia e dëmtimeve të kujtesës. Prandaj është e rëndësishme të mos konsumoni alkool.
Menaxhoni mirë stresin tuaj
Ne jetojmë në një epokë ku shumica e njerëzve ndihen të stresuar. Stresi i përditshëm sigurisht ju shpërqendron dhe ndikon në aftësitë tuaj për të kujtuar.
Prandaj është e rëndësishme të mendoni teknika çlodhëse.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Selena Gomez reflekton mbi shëndetin mendor, rëndësinë e tij dhe tejkalimin e sfidave
-
Sekretet për të pasur një super kujtesë në moshën 80-vjeçare
-
Departamenti i Drejtësisë amerikane ka në plan të riprogramojë marihuanën si një drogë me rrezik më të ulët
-
Astrazeneca në gjykatë: Vaksina jonë mund të shkaktojë një efekt anësor shumë të rrallë
Lajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit