Basisti i bendit amerikan rock-blues “ZZ Top”, Dusty Hill, i cili për më shumë se 50 vite luajti në trion mjekërroshe, është ndarë nga jeta të martën, në moshën 72-vjeçare.
“E kemi marrë me vuajtjen më të madhe lajmin që Dusty Hill ka ndërruar jetë në gjumë në shtëpinë e tij në Houston, Texas. Ne, me legjionet e fansave të ZZ Top anembanë botës, do të na marrë malli për prezencën, natyrën tënde të mirë, dhe vendosmërinë monumentale të palëkundur. Ne përgjithmonë do të jemi të lidhur me këngën Blues Shuffle in C, malli do të na marrë shumë amigo”, kanë thënë dy anëtarët e bendit Billy Gibbons dhe Frank Beard.
Këngëtari i Creedence Clearwater Revival, John Forgerty, përmes një tweet-e ka shkruar se “jemi thellësisht të lënduar nga lajmi i vdekjes së Dusty-t. Ishim të bekuar që ishim në skenë me të madhin Dusty dhe me “ZZ Top”-in, dhe nëse performancat me ta s’kanë qenë parajsë e rock and roll-it, s’di tjetër çka mund të jetë. Na është thyer zemra”.
Hill ka qenë pjesë e bendit ikonik dhe më karizmatik “ZZ Top” që nga viti 1971, gjë që e ka bërë bendit edhe një prej bendeve më stabile dhe më vllazërore të të gjithë muzikës botërore.
“Është një klishe dhe tingëllon e thjeshtëzuar, mirëpo jemi vetëm ne të tre që kënaqemi duke luajtur muzikën tonë. Ne e duam muzikën ende, dhe ende kënaqemi në skenë. Kemi lidhje të mjaftueshme me njëri tjetrin por edhe individualitetin tonë. ”, kishte thënë Dusty për revistën “Classic Rock 2010”.
Gjatë viteve të kaluar Hill kishte ndërmarrë një operacion dhe një lëndim në shpatulla. Bendi kishte anuluar disa performanca për këtë arsye.
Shkaku i vdekjes së Dusty Hill ende nuk është bërë i ditur.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ed Sheeran thotë se “ka këngë të përfunduara”, por s’do t’i lançojë këtë vit
-
Post Malone dhe Morgan Wallen njoftojnë publikimin e këngës së përbashkët “I Had Some Help”
-
Këngëtarja përfaqësuese e Izraelit në “Eurovision 2024” urdhërohet të izolohet në dhomën e saj të hotelit
-
Olivia Rodrigo detyrohet t’i anulojë koncertet e planifikuara në Mançester
Lajmet kryesore
-
Prezantohet strategjia e menaxhimit të Financave Publike, Gonzato: Prek disa kapituj të integrimit evropian
-
‘Shqipëria përkeqësim në lirinë e shtypit’, Rama: Qeveria e gatshme të marrë të gjitha përgjegjësitë
-
Ministrja gjermane: Rusët janë pas sulmeve kibernetike ‘të pa tolerueshme’ të vitit të kaluar
-
Regresi i Kosovës me 19-të vende në lirinë e medias, Qeveria: S’ishte vit i lehtë, ndikoi Veriu