Një studim i fundit bie në përfundimin se vetmia shkurton jetën. Vitet e fundit është zbuluar se në Amerikë është shtuar numri i njerëzve që jetojnë vetëm.
Shumë njerëz gjejnë frymëzim te ‘vetmia’.
Por studimi i ri zbulon se edhe nëse i pëlqeni të jetoni i vetmuar, kjo nuk është diçka e mirë pasi mund t’ju shkurtojë jetën.
Një studim i kryer nga studiuesit në Universitetin Brigham Young zbulon se vetmia dhe izolimi social mund të shkurtojnë jetën e një personi, të krahasueshme me efektet e mbipeshes.
Studime të tjera kanë krahasuar ndikimin në shëndet të vetmisë me pirjen e 15 cigareve në ditë dhe pirjen e tepërt të alkoolit.
“Epidemia aktuale e mbipeshës ishte parashikuar”, shkruajnë autorët në studimin e tyre. “Obeziteti tani merr një mbulim të vazhdueshëm në media, politikat dhe iniciativat e shëndetit publik. Statusi aktual i hulumtimit mbi rreziqet e vetmisë dhe izolimit shoqëror është i ngjashëm me atë të hulumtimit mbi mbipesha tre dekada më parë – megjithëse kërkimet e mëtejshme mbi shkaqet, studiuesit tani njohin nivelin e rrezikut dhe tendencat shoqërore që sugjerojnë për një rrezik edhe më të madh në të ardhmen.”
Tek njerëzit e moshuar, vetmia dhe izolimi shoqëror ishin një tregues më i qartë i vdekshmërisë së hershme.
Studiuesit zbuluan se lidhja midis vetmisë dhe rritjes së rrezikut për vdekje të hershme është në të vërtetë më e madhe për popullatat e reja.
Për studimin, botuar në revisten “Psikology”, studiuesit analizuan të dhënat nga një sërë studimesh shëndetësore mbi vetminë,dhe izolimin shoqëror.
Të dhënat llogariten për më shumë se tre milion pjesëmarrës të studimit.
Pas kontrollit për variabla të tillë si statusi socio-ekonomik, mosha, gjinia dhe kushtet shëndetësore para-ekzistuese, ata vunë re se gjasat e rritura të vdekjes ishin 26% për njerëzit që raportuan vetminë, 29 % për ata me izolim social dhe 32 % ata që jetonin vetëm.
Marrë dhe përshtatur nga CNN për Albanian Post
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Një mënyrë jetese e shëndetshme mund të kompensojë gjenetikën me 60% dhe t’i shtojë 5 vjet jetës, thotë studimi
-
Selena Gomez reflekton mbi shëndetin mendor, rëndësinë e tij dhe tejkalimin e sfidave
-
Sekretet për të pasur një super kujtesë në moshën 80-vjeçare
-
Departamenti i Drejtësisë amerikane ka në plan të riprogramojë marihuanën si një drogë me rrezik më të ulët
Lajmet kryesore
-
Drejtorët e Bashkisë Tiranë mbeten në burg, Apeli ia rrëzon kërkesën për lirim
-
‘Shqipëria përkeqësim në lirinë e shtypit’, Rama: Qeveria e gatshme të marrë të gjitha përgjegjësitë
-
Ministrja gjermane: Rusët janë pas sulmeve kibernetike ‘të pa tolerueshme’ të vitit të kaluar
-
Regresi i Kosovës me 19-të vende në lirinë e medias, Qeveria: S’ishte vit i lehtë, ndikoi Veriu