Një dalje jo-zyrtare e kryeministrit të Shqipërisë, Edi Rama ka qenë kritika e radhës në distancë, në një betejë që luhet “pa koment”, në heshtje mes tij e kryebashkiakut të Vlorës, Dritan Leli.
“Ata që paguhen për ta mirëmbajtur të pastrojnë para se të lindë dielli”, kjo është deklarata e Ramës drejtuar Lelit në kulmin e sezonit turistik në qytetin bregdetar.
Sipas tij, turistët e huaj dhe shqiptarë që e shohin këtë pamje është turp.
Ai shfaqet në video teksa grumbullon në një ambient sportiv, mbetjet e mbetura aty rishtaz.
Mesazhi i tij është i ndarë në dy pjesë; ata që vijnë dhe luajnë bëjnë mirë t’i mbledhin – referuar qytetarëve dhe sjelljes së tyre qytetare dhe pjesa tjetër i advokohet kryebashkiakut Leli.
Për Ramën, vetëm tre minuta e ndajnë turpin nga dinjiteti më i zakonshëm që duhet të ketë një qytet komunitet dhe një bashki.
“Riciklimi” i problematikës së plehrave
Në një deklaratë për mediat, gjatë takimit për hapjen e ishullit të Sazanit, të enjten e 17 qershorit, drejtuesi i Partisë Socialiste në qarkun e Vlorës, Damian Gjiknuri i kujtonte kryetarit të Bashkisë, Dritan Leli se mbeturinat në qytet mbeten problem.
Sipas Gjiknurit, elementi bazë për shumë turistë është ambienti i pastër. Ai ftoi Lelin që secili të japë kontributin e tij.
“Pres nga institucionet lokale që të bëjnë më shumë në këtë drejtim, sepse ishulli është pjesë e Bashkisë së Vlorës”, theksonte Gjiknuri.
Ndërkaq, Dritan Leli nuk mori pjesë në takim dhe në krah të Gjiknurit ndodhej zv. kryetarja e Bashkisë Vlorë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Zbardhen bisedat e skemës abuzive te Onkologjiku: Mjekët dërgonin pacientët te privati, ilaçet për tumorin i çonin nëpër farmaci
-
BSH: Investimet e huaja në pasuri të paluajtshme rritje me 71%
-
Laboratori i drogës në Frakull, GJKKO jep vendimin për 10 të pandehurit
-
Tatimi për profesionistët e lirë/ Kushtetuesja mbyll shqyrtimin ligjor, vendimi për 30 ditë
Lajmet kryesore
-
Zbardhen bisedat e skemës abuzive te Onkologjiku: Mjekët dërgonin pacientët te privati, ilaçet për tumorin i çonin nëpër farmaci
-
BSH: Investimet e huaja në pasuri të paluajtshme rritje me 71%
-
Presidenti kenian zotohet të rivendosë rendin pas protestave vdekjeprurëse për rritjen e taksave
-
Kurti, delegacionit gjerman: Hulumtoni mundësitë dhe përparësitë që i ofron Kosova për investitorët e huaj