Shqipëria ka qenë ndër të paktat vende, ku sezoni turistik ka pasur lehtësim të ndjeshëm të masave anti-COVID, për arsye të gjendjes së mirë epidemiologjike në vend dhe rezultatet, i ka dhënë.
Sipas të dhënave zyrtare nga aeroporti ndërkombëtar i Rinasit (TIA), pasagjerët që kanë udhëtuar me charter drejt vendit tonë, përjashtuar Turqinë dhe Egjiptin, janë rritur me 15%.
Kjo, jo krahasuar me vitin 2020 ku ishte efekti i pandemisë, por me vitin 2019, kur kufijtë ka qenë tërësisht të hapur dhe pa kufizime.
Në korrik-gusht 2021, kanë qenë 174 mijë vajtje-ardhje, vetëm me charter.
Ndër ta, një rritje marramendëse kanë pasur polakët, të cilët janë dyfishuar.
Nëse në vitin 2019 vinin në Shqipëri me charter 44 mijë polakë, këtë vit numri i tyre ka shkuar në thuajse 81 mijë. Rritje kanë parë edhe pushuesit nga Ukraina. Nga 23 mijë dy vjet më parë, ata kanë ardhur në shifrën e 38 mijë këtë vit.
Shtetas nga Arabia Saudite kanë zgjedhur Shqipërinë gjithashtu si destinacion. Janë thuajse 9 mijë syresh, të cilët e kanë vizituar vendin duke ardhur me charter. Diçka më pak, janë gjermanët.
Ndërsa dyfishim, ka pasur edhe të turistëve rusë, të cilët nga 3 mijë, kanë ardhur në 6 mijë e 900.
Gjithsesi, përtej rritjes së mirë, ka pasur edhe vende, nga të cilët ka pasur rënie të turistëve. Ndër to, çekët kanë rënë nga 9 mijë në 7 mijë. Norvegjezët kanë parë një rënie të madhe, nga 7 mijë në 2 mijë.
Ndërsa më të madhen, e kanë parë turistët izraelitë, të cilët nga 9 mijë e 200, janë ulur në 1 mijë e 700.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mashtrime me vlerë 10 milionë euro – SPAK shkatërron bazën me 10 mijë raste mashtrimi në Tiranë
-
Meta paralajmëron të tjera dosje të nxehta nga SPAK, më të mëdha se “5D” e Bashkisë Tiranë
-
Ngrihet Kryesia Ekzekutive e Partisë së Lirisë
-
Shqipëria drejt prodhimit të dokumenteve digjitalë të identifikimit
Lajmet kryesore
-
Kearns bën thirrje të publikohen të gjeturat e sulmit në Banjë, kërkon që Kosovës mos t’i bëhet presion për Asociacionin
-
Gjykata Evropiane vendos: EncroChat dhe SkyECC nuk cilësohen prova
-
Pentagoni pranon se SHBA-të kanë vrarë gabimisht një civil në sulmin në Siri në vitin 2023, raporton Washington Post
-
Kryeziu tenton t’ia “ilustrojë” Stanos “de-përshkallëzimin” në veri: Prandaj, masat duhet të hiqen