Mëngjesin e 9 shtatorit janë zbardhur 14 vjedhjet që ndodhën në qytetin e Sarandës dhe Ksamilit, duke bërë të mundur arrestimin e tre njerëzve.
Përkatësisht të arrestuar janë shtetasit -Nazmi Liçi, 25 vjeç, Erion Bylykbashi, 30 vjeç dhe Ani Lici, 22 vjeç – të tre banues në Elbasan.
Këta shtetas në bashkëpunim me njëri-tjetrin, kanë vjedhur në 13 raste shuma parash dhe sende personale të pushuesve vendas e të huaj duke u marrë portofolat në banesat që kishin marrë me qira apo në dhomat e hoteleve ku ata pushonin.
Po ashtu dhe në një rast kanë vjedhur një shumë parash në një subjekt.
Në cilësinë e provës materiale polica ka sekuestruar automjetin e përdorur nga autorët për realizimin e vjedhjeve. Konkretisht automjeti tip “BMË” në posedim të shtetasit Ani Lici.
Liçi dhe Bylykbashi, të dy këta shtetas, sipas njoftimit të policisë, ishin persona me precedent të mëparshëm penal.
Nazmi Liçi, i dënuar më parë për veprat penale të “Plagosjes” dhe “Vjedhjes”. Ndërsa Erion Bylykbashi, për veprën penale të “Vjedhjes”.
Ndërkohë materialet i kanë kaluar Prokurorisë së Rrethit Gjyqësor Sarandë, për veprën penale “Vjedhja”, e kryer në bashkëpunim.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
“Jam i gëzuar që do bashkëpunoj me një profesor si Mickoski – kemi program fantastik me VMRO-në”, Arben Taravari intervistë për Albanian Post
-
Puna e detyruar, çfarë parashikon projektligji i ri për studentët e mjekësisë
-
Në ujërat greke, aty ku vendet evropiane mësojnë të luftojnë pa ndihmën amerikane
-
E enjtja e interpelancave – Opozita kërkon sqarime nga dy ministra