![](https://albanianpost.com/wp-content/uploads/2021/11/avdullah-hoti-1-730x440-2.jpg)
Prokuroria Themelore në Prishtinë ka njoftuar se ka ngritur aktakuzë ndaj të pandehurit R.S., për shkak se përmes Facebook-ut ka kanosur ish-kryeministrin e Kosovës, Avdullah Hoti vitin e kaluar.
Sipas aktakuzës, pasi i dëmtuari Hoti, deputet i Kuvendit të Republikës së Kosovës, kishte postuar në profilin e tij në Facebook mendimin e tij për zhvillimet politike në vend, i pandehuri me qëllim të frikësimit, e përmes llogarisë së tij personale në rrjetin social i shkruan koment që lidhet me punën apo me pozitën e të dëmtuarit dhe e kanosë seriozisht.
“Ty more bugar vetëm kosa të vjen hak”, ishte kërcënuar Hoti.
Sipas aktakuzës, i pandehuri ka kryer veprën penale të kanosjes.
Ndërsa Prokurori i Shtetit me rastin e ngritjes së aktakuzës i ka propozuar Gjykatës që i pandehuri të shpallet fajtor dhe të dënohet sipas ligjit për veprën penale e cila i vihet në barrë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Nis takimi trepalësh Bislimi – Lajçak – Petkoviç
-
Fabrika mbi 5 milionëshe e ujit në Ferizaj jofunksionale tash e 3 vjet, banorët s’kanë ujë të pijshëm
-
Konjufca të mërkurën në Shqipëri, merr pjesë në ceremoninë shtetërore të Lamtumirës për Kadarenë
-
Ulutas e Zupançiç diskutojnë mbi situatën e sigurisë në Kosovë