Vatikani ka pastruar akuzat ndaj një peshkopi të pensionuar të SHBA-së pas akuzave tё shumta pёr abuzime seksuale me të mitur dhe adoleshentë.
Kongregacioni i Vatikanit ka shfajësuar Cheyenne në pension, Peshkopin Wyoming Joseph Hart, për shtatë akuza abuzimi dhe vendosi që pesë të tjerë nuk mund të provoheshin me vërtetësi morale.
Dy raste të tjera që përfshinin djem që ishin 16 dhe 17 vjeç nuk mund të ndiqen penalisht sepse Kisha Katolike nuk i konsideronte ata të mitur në kohën e abuzimit të pretenduar, sipas njoftimeve të dioqezës.
Hart, 89 vjeç ka mohuar gjithë akuzat për sjellje të keqe. Avokati i tij, Thomas Jubin, tha se akuzat ishin tё bazuara në informacione të dorës së dytë dhe të tretë. Disa akuzues theksuan se Hart nuk i ka prekur fizikisht ata.
Vendimi i Vatikanit zhgënjeu pasardhësin e Hartit, Peshkopin Steven Biegler. Ai theksoi se gjetjet e Vatikanit nuk do të thoshin që Hart ishte i pafajshëm, vetëm se Selia e Shenjtë përcaktoi se barra e lartë e provës nuk ishte përmbushur.
“Sot, unë dua që të mbijetuarit të dinë se unë i mbështes dhe i besoj” tha Biegler në një deklaratë.
Darrel Hunter, 73 vjeç, njёri prej vёllezёrve tё tё abuzuarve tha se nuk priste që Vatikani të ndëshkonte Hart, por ishte i shqetësuar për mënyrën se si i trajtoi ata që dolën përpara për të thënë se ishin abuzuar.
Vatikani për dekada është kritikuar nga grupet e viktimave për emërimet dhe mbulimet e peshkopëve kur ata janë akuzuar për abuzim seksuale.
Disa përjashtime janë bërë gjatë viteve të fundit. Për shembull rasti i ish kardinalit, Theodore McCarrick, i cili u shkarkua pasi Kongregacioni për Doktrinën e Besimit (CDF) vendosi që ai kishte abuzuar të mitur si dhe të rritur, përfshirë dhe gjatë rrëfimit – në thelb të njëjtat akuza kundër Hart.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
