Komisioneri Evropian për Zgjerimin dhe Fqinjësinë e mirë, Oliver Varhelyi, e ka ritheksuar sërish nga mbledhja e Këshillit të Punëve të Përgjithshme, se negociatat për Shqipërinë dhe Maqedoninë e Veriut, duhet të hapen formalisht.
Nëpërmjet një postimi në Twitter, Varhelyi ka bërë me dije se ka mbështetur rishtazi çështjen e dy shteteve ballkanike.
“Theksova se duhet nisja formale e bisedimeve për anëtarësim me Shqipërinë dhe Maqedoninë e Veriut”, shkruan komisioneri.
At General Affairs Council #GAC today, making a case for EU enlargement policy with #WesternBalkans. I stressed the need for formal launch of accession talks with Albania & North Macedonia and substantial intergovernmental conferences with Serbia & Montenegro during @EU2021SI. pic.twitter.com/c6Y69lgWKN
— Oliver Varhelyi (@OliverVarhelyi) November 23, 2021
Po ashtu, ai nënvizon edhe rëndësinë e konferencave ndërqeveritare me Serbinë dhe Malin e Zi, presidencës sllovene 2021. Pra, praktikisht, brenda mbylljes së këtij viti.
Çështja e hapjes së negociatave për Tiranën dhe Shkupin, është bërë dhe një ndër kryesoret në retorikën e Komisionit Evropian.
Sipas burimeve të Albanian Post brenda Elysee-së, edhe vetë presidenti francez, Emmanuel Macron, ka nisur një fushatë me ambasadorët e tij në vendet e Bashkimit Evropian, ku i kërkon lobim për hapjen e negociatave brenda vitit.
Në janar 2022 ndërkaq, presidencën e BE-së e merr zyrtarisht Parisi.
E vetmja gjë që bllokon hapjen e negociatave për dy vendet ballkanike, është vetoja e Bullgarisë ndaj Shkupit. Penalizim për këtë vendim ka edhe për Shqipërinë, për shkak se rrugëtimi evropian i saj shihet i bashkërenduar me Shkupin.
Megjithatë, ende nuk ka sinjale të qarta nga Sofja mbi vendimin përfundimtar të tyre. Me përfundimit e procesit zgjedhor atje, e pritshme është që bisedimet RMV-Bullgari të vijojnë. Por, nëse ato do të jenë të suksesshme, ende nuk kuptohet.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mashtrime me vlerë 10 milionë euro – SPAK shkatërron bazën me 10 mijë raste mashtrimi në Tiranë
-
Meta paralajmëron të tjera dosje të nxehta nga SPAK, më të mëdha se “5D” e Bashkisë Tiranë
-
Ngrihet Kryesia Ekzekutive e Partisë së Lirisë
-
Shqipëria drejt prodhimit të dokumenteve digjitalë të identifikimit
Lajmet kryesore
-
Meta paralajmëron të tjera dosje të nxehta nga SPAK, më të mëdha se “5D” e Bashkisë Tiranë
-
Finalja e Superiores do të arbitrohet nga Anthony Taylor
-
Opozita sllovake shpreson se votimi evropian do ta frenojë kryeministrin populist
-
Mashtrime me vlerë 10 milionë euro – SPAK shkatërron bazën me 10 mijë raste mashtrimi në Tiranë